Xiaomi Redmi 9 3/32 GB Green büdcəli smartfonlar kateqoriyasına aid olsa belə imkanları ilə sizi təəccübləndirəcək. Telefonun qeyri-adi yaşıl rəngi diqqəti cəlb edir, funksionallığı və münasib qiyməti sayəsində isə müştərilərimiz tərəfindən ən çox seçilən smartfonlar siyahısındadır. Cihazın korpusu keyfiyyətli plastikdən hazırlanıb. Arxa tərəfdə kamera bloku, fləş və barmaq izi skaneri mövcuddur. Yan hissələrdə nanoSIM, microSD kart, səs və güc düymələri var. Üst hissədə İnfraqırmızı port, mikrofon, altda isə dinamik, danışıq üçün mikrofon, USB Type-C və qulaqlıqlar üçün giriş yerləşir.
Smartfonun iri 6.53" düymlü IPS LCD displeyi Gorilla Glass 3 ilə ən xırda cızıqlardan belə etibarlı qorunur. Ekran Full HD+ keyfiyyətini təqdim edir. Rənglərin canlılığı və dəqiqliyi sizi heyran edəcək. Ekrandakı kontent həm günəş işığı altında, həm də zəif işıq şəraitində rahat oxunur. Əlavə olaraq ekran ləkələrdən oleofob örtük ilə qorunur.
MediaTek Helio G80 prosessor cihazın sürətli işini təmin edir. Operativ yaddaş 3 GB, daxili yaddaş isə 32 GB-dır. Smartfon Android 10, MIUI 12 əməliyyat sistemi üzərində işləyir. 5020 mAh tutumlu batareya sayəsində gün ərzində daha çox iş yerinə yetirəcəksiniz. 18 Vt adapter isə sərf edilən enerjini çox qısa müddətdə bərpa edir. Telefondan intensiv istifadə edirsinizsə bu xüsusiyyəti bəyənəcəyinizə inanırıq. Sadə interfeys sayəsində smartfon asanlıqla idarə edilir. Üstəlik interfeysi rahatlıqla tələblərinizə uyğunlaşdıra bilərsiniz. Telefon “Ekran bölmə” rejimini dəstəkləyir. Bu faydalı funksiya vasitəsilə eyni anda bir neçə işi yerinə yetirə bilərsiniz.
Redmi 9 ilə ən gözəl xatirələrinizi yaddaşda saxlayın. Cihazın kamera blokuna 13 meqapikselli əsas, 8 meqapikselli geniş bucaqlı, 5 meqapikselli makro və 2 meqapikselli sensorlu kameralar daxildir. Müasir kameralar ilə dəqiq və detallı görüntüyə sahib videolar yarada biləcəksiniz. Selfi çəkməyi sevənlər də bu modeldən razı qalacaq. 8 meqapikselli ön kamera ilə aydın və canlı kadrlar əldə edilir.
Beləliklə Xiaomi Redmi 9 smartfonunu əldə etmək üçün Kontakt Home mağazalarına tələsin! Vaxtınız məhduddursa Xiaomi Redmi 9 smartfonunu onlayn almaq üçün saytımızdan istifadə edə bilərsiniz. Sifariş prosesi çox asandır və cəmi 1 dəqiqəyə yeni smartfon sahibi ola bilərsiniz!
