Xiaomi Poco M3 büdcəli smartfonlar kateqoriyasına aid olmasına baxmayaraq üstünlüklərinə görə alıcılar tərəfindən çox sevilir. Telefonun arxa korpusu relyefli plastikdən hazırlanıb. Bu səbəbdən cihazı bir əldə asan tuta bilərsiniz. Ön panel şüşədəndir, Gorilla Glass 3 ilə qorunur. Korpusun üst hissəsində mikrofon, qulaqlıq üçün giriş, dinamik və infraqırmızı port, alt hissədə mikrofon, USB Type-C girişi və dinamik yerləşdirilib. Yan hissədə iki NanoSIM və bir microSD kart üçün giriş var. Digər tərəfdə güc və səs düymələri mövcuddur. Güc düyməsinin üzərinə barmaq izi skaneri yerləşdirilib. Poco M3 Kontakt Home mağazalarında sarı, mavi və qara rənglərdə təqdim edilmişdir.
Smartfon 6.53 düymlü IPS LCD ekrana sahibdir. Cihazın ekran həlli 1080 x 2340-dır. Displey rəngləri canlı və dəqiq ötürür. Beləliklə siz həm açıq havada, həm də qaranlıq otaqda telefondan rahat istifadə edə biləcəksiniz. Qualcomm SM6115 Snapdragon 662 prosessor sayəsində smartfon çox çevik işləyir. Tətbiqlər tez açılır, oyunlar donmur. Cihazın 4 GB operativ yaddaşı və 128 GB daxili yaddaşı sayəsində şəkillər, videolar, tətbiqlər üçün kifayət qədər yer var. Lakin microSD kart vasitəsilə yaddaşı 512 GB qədər artıra bilərsiniz.
Kamera bloku arxa korpusda yerləşir və 48 mpx əsas, 2 mpx dərinlik sensoru və 2 mpx makro kameralardan ibarətdir. Ən vacib anları 1 toxunuşa yadda saxlayıb yaxınlarınızla bölüşə bilərsiniz. 8 mpx ön kamera ilə keyfiyyətli şəkillər çəkin və həmin an dostlarınızla paylaşın.
Poco M3 smartfonunu kreditlə almaq üçün Kontakt Home mağazalar şəbəkəsinə müraciət edin. Mütəxəssislərimiz sizi onun imkanları ilə tanış etməkdən çox şad olacaq. Kontakt.az saytı vasitəsilə Xiaomi Poco M3-ün parameterlərini istənilən smartfonla müqayisə edə bilərsiniz.
