Xiaomi Pad 120 Hz ekran tezliyinə sahib displeyə, dörd ədəd stereo dinamiklər, Snapdragon 860 prosessor və 8720 mAh həcmli batareyaya sahibdir. Planşet ağ rəngdə təqdim edilib.
Xiaomi Pad 5 planşeti həm iş, həm əyləncə üçün nəzərdə tutulub. Böyük ekran 120 Hz tezliyə malikdir. 4 ədəd dinamiklər sizi stereo səslə təmin edir. Güclü Qualcomm 860 prosessor ilə tapşırıqlarınız sürətli yerinə yetirilir.
Görünüş
Texnikada ağ rəngi bəyənənlər üçün Xiaomi Pad 5 White modeli təqdim edilib. Hamar plastikdən hazırlanan arxa panelin üzərində 13 meqapikselli əsas kamera ilə fləş yerləşdirilib. Kamera 4K keyfiyyətində videolar və parlaq şəkillər yarada bilir. Günün istənilən vaxtı detallı kadrlar çəkə bilməyiniz üçün HDR və "Gecə" rejimləri mövcuddur. Yan çərçivələr mat alüminiumdandır. Korpusun alt hissəsində 2 ədəd dinamik, mikrofon, USB Type-C, üst hissədə 2 ədəd dinamik, mikrofon və güc düymələri yerləşir. Yan tərəflərdə sağda səs düyməsi, 2 ədəd mikrofon və stilusu birləşdirmək üçün xüsusi maqnit, solda isə planşetə klaviaturanın qoşulması üçün konnektor var.
Ekran və Səs
Planşet 11" düymlü LCD IPS displeyə malikdir. Rənglərin parlaqlığı sayəsində keyfiyyətli görüntü ilə təmin ediləcəksiniz. Ekran tezliyini 60 Hz-dan 120 Hz qədər artırmaq mümkündür. Parlaqlıq 500 nit təşkil edir. Beləliklə, ətrafınızdakı işıqlandırmadan asılı olmayaraq kontent rahat oxunur. Planşetə klaviaturanı birləşdirib asanlıqla mətnlər yığa, iş tapşırıqlarınızı yerinə yetirə biləcəksiniz. True Tone texnologiyası ilə uzun müddət ərzində işləsəniz belə gözləriniz ekrana baxmaqdan yorulmayacaq. Bu texnologiya rənglərin tonunu ətrafınızdakı işıqlandırmaya uyğun olaraq dəyişir. Nəticədə, görüntü daha təbii ötürülür. Stilusun köməkliyi ilə cihazı qrafik planşet kimi istifadə etmək mümkündür.
Ekranın üst hissəsində 8 meqapikselli kamera mövcuddur. Kamera video zənglər zamanı görüntünün keyfiyyətli ötürülməsinə cavabdehdir. Bundan başqa, onun köməkliyi ilə şəkil çəkmək olar. İstifadə zamanı ekranın üzərində barmaq izi ləkələri əmələ gəlməyəcək. Bunun üçün ekran oleofob örtüklə təchiz edilib. 4 ədəd dinamik Dolby Atmos texnologiyasını dəstəkləyir. Baxış zamanı özünüzü kinoteatrda hiss edəcəksiniz.
Məhsuldarlıq
Qualcomm Snapdragon 860 prosessor ilə daha məhsuldar olacaqsınız. İntensiv istifadə zamanı belə prosessor tətbiqlərin sürətli işə salınmasını təmin edir. Ekranı tez sürüşdürəndə belə görüntü donmur. Xiaomi Pad 5 xəbər və məqalələri oxumaq, sosial şəbəkələrdə şəkillər, videolar paylaşmaq, onlayn video, filmlər izləmək üçün idealdır.
Tətbiqlərin və oyunların yüklənilməsi üçün 256 GB daxili yaddaş təqdim edilib. Planşet Android 11 əməliyyat sistemi üzərində işləyir. İnterfeysə yeni funksiyalar əlavə edilib. Ekran iki hissəyə bölünür. Nəticədə, eyni anda bir neçə tətbiqdən istifadə etmək olar. 8720 mAh batareya 5 gün musiqi dinləmək və ya 16 saat fasiləsiz video izləmək üçün sizə kifayət edəcək. Sərf edilən enerjinin bərpa edilməsinə isə cəmi 2 saat vaxt tələb olunacaq.