Kontakt Home soyuducu HOFFMANN NFB-186VS xüsusiyyətlərini təqdim edir. Soyuducu iki kameralıdır, toplam tutumu 324 litr təşkil edir. Səs səviyyəsi 42 dB-dir.
HOFFMANN NFB-186VS modeli quraşdırılan soyuducular növünə aiddir. Ərzaqlarınızı uzun müddət təzə qalmasını təmin edən və elektrik enerjini effektiv sərf edən soyuducu axtarırsınızsa bu model sizin üçündür.
Görünüş
Sözügedən HOFFMANN soyuducu modeli gümüşü rəngdə təqdim edilib. Lakonik görünüşə malik korpusu loft və eko üslübüna üstünlük verənlər bəyənəcək. Soyuducu iki kameralıdır. Dondurucu kamera aşağı hissədə yerləşir və 94 litr həcmindədir. Daxilində 3 ədəd geniş saxlama konteyneri mövcuddur. Soyuducu kameranın tutumu 230 litrdir. Ərzaqların yerləşdirilməsi üçün burada 3 ədəd möhkəm materialdan hazırlanan rəflər var. Əlavə rəflər kameranın qapısında yerləşir. Bundan başqa soyuducu kamerada 2 ədəd konteyner yerləşdirilib. Birinci konteyner ət məhsullarının gün ərzində saxlanılması üçün nəzərdə tutulub. İkincisi isə meyvə-tərəvəzlərin daha uzun müddət ərzində təravətli qalmasını təmin edir.
Məhsuldarlıq
Kameranın daxili divarlarında xüsusi dəliklər yerləşdirilib. Onların köməkliyi ilə verilən soyuq hava axını bütün rəflərə bərabər paylanılır. Nəticədə, kameraların küncləri belə effektiv soyudulur. Cihaz A+ enerjiistifadə sinfinə aiddir. Bu o deməkdir ki, HOFFMANN soyuducusu elektrik enerjisinə qənaət edir.
Qurğunun effektiv işləməsi iqlim sinfindən asılıdır. Ölkəmizdə yay fəslinin qızmar keçməsi səbəbindən eviniz üçün yeni soyuducu seçəndə bu parametrə xüsusi diqqətlə yanaşmaq lazımdır. Cihaz T/SN iqlim sinfinə aiddir. Havanın temperaturu +10°C - +43°C arası olsa belə qida məhsullarınız optimal şəraitdə saxlanılacaq.
