Samsung A13 128 GB yaddaşa sahibdir. Exynos 850 prosessoruna malik Galaxy A13 tapşırıqlarınızı sürətli yerinə yetirəcək. 50 mpx əsas və 8 mpx ön kameralar keyfiyyətli şəkillər yaradır.
Samsung brendi smarfonlarının keyfiyyəti ilə məşhurdur. Bu səbəbdən Galaxy A13 modelinin qısa müddət ərzində istifadəçi məmnuniyyətini qazana bilməsi təəccübləndirmir.
Görünüş və Ekran
Samsung Galaxy A13 ağ rəngdə təqdim edilib. Smartfonun gövdəsi keyfiyyətli materiallardan hazırlanıb. Möhkəm plastik arxa hissəni zərbələrdən qoruyur. Corning Gorilla Glass 5 isə ekranda cızıqların və çatların əmələ gəlməsinin qarşısını alır. Ölçüləri və yüngül çəkisi sayəsində cihaz əldə rahat yerləşir. Smartfona 2 ədəd nanoSIM yerləşdirə bilərsiniz. İş nömrəniz üçün əlavə telefon əldə etmək lazım olmayacaq. Smartfonda saxladığınız məlumatların təhlükəsizliyi etibarlı şəkildə qorunur. Cihazı barmaq izi və ya üz tanıma funksiyası vasitəsilə blokdan çıxarmaq olar.
Ön tərəfdə yerləşdirilən Infinity-V displey toxunuşlara həssasdır. Ekran görüntünü keyfiyyətli ötürür. Film izləyəndə və ya onlayn oyunları oynayanda parlaq rənglər və yüksək detallıq sayəsində ekrana tam dalma effekti əldə edilir. Alt hissədə yerləşən dinamik səsi təmiz və aydın təsvir edir. Lakin, Dolby Atmos keyfiyyətini hiss etmək istəyirsinizsə qulaqlıqlardan istifadə edin.
Prosessor və Batareya
Samsung A13 Exynos 850 prosessor və Android 12 əməliyyat sistemi üzərində işləyir. Smartfon istifadədə asan olan interfeysə sahibdir. Ekranı sürətli sürüşdürsəniz belə görüntü donmur. Kameralar prosessorun imkanlarına əsasən optimallaşdırılıb. Nəticədə, hər istifadədə keyfiyyətli şəkil və video əldə edəcəksiniz. İstədiyiniz tətbiq, ağırlığından asılı olmayaraq, çevik işə salınır.
Avtonom işləmə müddətini artırmaq üçün Samsung sözügedən modeldə 5000 mAh həcmli batareyanı yerləşdirib. Nəticədə, gün ərzində zəng edə, mesaj göndərə, sosial şəbəkələrinizi izləyib yaxınlarınızla şəkillərinizi paylaşa, video izləyə, mahnı qulaq asa bilərsiniz. Galaxy A13 smartfonunun enerjisi günün sonunadək tükənməyəcək. Cihaz sürətli enerji yığmanı dəstəkləyir. 15 Vt adapter ilə tamamilə sərf edilən enerjini 100% qədər bərpa etmək üçün cəmi 2 saat vaxt tələb olunur.
Kameralar Sistemi
İşıq səviyyəsindən asılı olmayaraq sizi mükəmməl şəkillərlə təmin edən kamera blokunu qarşılayın. 50 meqapikselli əsas kamera həm tutqun hava şəraitində, həm parlaq günəş işığı altında təkrarolunmaz kadrlar yarada bilir. Geniş bucaqlı kameranın köməkliyi ilə geniş panorama şəkilləri yaratmaq mümkündür. İri planlar üçün makro kameranı işə salın. Güllərin, yarpaqların və üzərindəki su damcılarının detallı şəkillərini əldə etmək üçün bir toxunuş kifayət edir. Peşəkarcasına emal edilmiş şəkillər əldə etmək istəyirsinizsə dərinlik sensoru ilə arxa fonu bulanıq edin. Nəticədə, istədiyiniz obyekt ön plana çıxarılır.
