Xiaomi Pad 5 qiymeti, imkanları baxımından çox əlverişlidir. Planşet 11” düymlü LCD IPS ekrana malikdir. Qualcomm Snapdragon 860 prosessor sayəsində oyun prosesindən zövq alacaqsınız.
Yeni planşet almaq düşünürsünüzsə Xiaomi Pad 5 modelinə diqqət yetirməyi məsləhət edirik. İmkanları ilə sözügedən planşet sizi təəccübləndirə bilər.
Görünüş
Klassik üslübu sevənlər üçün Grey rəngində təqdim edilən Xiaomi Pad 5 modeli mövcuddur. Arxa panel hamar plastikdən hazırlanıb. Yan çərçivələr alüminiumdandır. Korpusun alt hissəsində 2 ədəd dinamik, mikrofon, USB Type-C, üst hissədə 2 ədəd dinamik, mikrofon və güc düymələri yerləşir. Yan tərəflərə nəzər salaq. Sağda səs düyməsi, 2 ədəd mikrofon və stilusu birləşdirmək üçün xüsusi maqnit, solda isə planşetə klaviaturanın qoşulması üçün konnektor var. Şəkil və 4K keyfiyyətində videolar çəkə bilməyiniz üçün cihaz 13 meqapikselli kamera və fləşlə təchiz edilib. Kamera HDR və "Gecə" rejimlərini dəstəkləyir.
Ekran və Səs
Planşet 11" düymlü ekrana malikdir. Böyük LCD IPS displey rəngləri parlaq və düzgün ötürür. Ekran tezliyini 60 və ya 120 Hz təyin etmək mümkündür. Maksimal parlaqlıq 500 nit təşkil edir. Həm gündüz, həm də gecə vaxtı planşetdən istifadə edərkən kontent rahat oxunur. True Tone texnologiyası sayəsində gözləriniz ekrana baxmaqdan yorulmayacaq. Bu texnologiya rəng çalarlarını ətrafınızdakı işıqlandırmaya uyğun olaraq dəyişir. Nəticədə, rənglər daha təbii ötürülür. Stilusun dəstəklənməsi Xiaomi Pad 5 modelini qrafik planşet kimi istifadə edilməsinə imkan yaradır.
Oleofob örtük displeyi barmaq izi ləkələrindən qoruyur. Simmetrik qara çərçivə sayəsində ekran dəbli görünüşə malikdir. Ekranın üst hissəsində 8 meqapikselli ön kamera yerləşdirilib. Planşet 4 ədəd Dolby Atmos texnologiyasını dəstəkləyən dinamiklərə sahibdir. Güclü səs sizi tam olaraq əhatə edəcək.
Məhsuldarlıq
8 nüvəli Snapdragon 860 prosessor oyun üçün yaradılıb. Güclü prosessor və 6 GB daxili yaddaş sayəsində keyfiyyətli qrafikadan həzz alacaqsınız. 120 Hz ekran tezliyi görüntünün stabil və detallı ötürülməsini təmin edir. Oyunun bir neçə mərhələlərini asanlıqla keçə biləcəksiniz, planşetin gövdəsi isinməyəcək. Planşet vasitəsilə xəbər və məqalələri oxumaq, sosial şəbəkələrdə şəkillər, videolar paylaşmaq, onlayn video, filmlər izləmək daha asan oldu.
Tez-tez istifadə etdiyiniz tətbiqlərin yüklənilməsi üçün 256 GB daxili yaddaş təqdim edilib. Əməliyyat sistemi Android 11-dir. İnterfeys daha sürətli olub. Bundan başqa, ekran iki hissəyə bölünə bilir. Nəticədə eyni anda bir neçə tətbiqdən istifadə etmək olar. 8720 mAh batareya 5 gün musiqi dinləmək və ya 16 saat fasiləsiz video izləmək üçün nəzərdə tutulub. Sərf edilən enerjinin bərpa edilməsinə isə cəmi 2 saat vaxt tələb olunacaq.