iPhone 12 mini qiymeti və xüsusiyyətləri Kontakt.az saytında təqdim edilib. Smartfon 2227 mAh həcmli barateya ilə təchiz edilib. Smartfon iOS 14 əməliyyat sistemi üzərində işləyir.
iPhone 12 mini kompakt smartfonları sevənlərin seçimidir. Sözügedən model Apple smartfonlarının ənənəvi dizaynına və yüksək məhsuldarlığa malikdir.
Görünüş və Ekran
iPhone 12 mini yığcam, yüngül və 1 əllə rahat idarə edilən smartfondur. Onun gövdəsi möhkəm şüşədən və alüminium çərçivədən hazırlanıb. Ekran zərbələrə davamlıdır. Ceramic Shield materialı onun möhkəmliyini 4 dədə artırıb. Yerə düşməklə yanaşı cihaz sudan və tozdan qorxmur. IP68 qorunma dərəcəsi sayəsində smartfon suyun altında 6 metr dərinliyində 30 dəqiqə qala bilir.
Sözügedən modeldə iPhone 12 və 12 Pro modellərində yerləşdirilən displey istifadə edilib. 5.4" düymlü Super Retina XDR displey inanılmaz dərəcə axıcı və parlaq görüntüyə malikdir. Ekranın balaca olmasına baxmayaraq onun piksel sıxlığı yüksəkdir. Görüntü 1080x2340 keyfiyyətində təsvir edilir. Displeyin üst hissəsində 12 meqapikselli True Depth kamera və sensorların yerləşdiyi çıxıntı mövcuddur. Sensorların köməkliyi ilə iPhone 12 mini üzün biometrik quruluşunu yadda saxlayır. Nəticədə, üz tanıma sistemi dəqiq işləyir.
Prosessor və Batareya
Sözügedən modeldə Apple brendinin A14 Bionic prosessoru istifadə edilib. Operativ yaddaş 4 GB təşkil edir. Bu da tətbiqlərin sürətli işləməsi üçün kifayətdir. 4 nüvəli qrafik prosessor istədiyiniz oyunları yüksək qrafikada oynaya bilməyiniz üçün imkan yaradır. Şəxsi informasiyanı saxlamaq üçün 256 GB daxili yaddaş ayrılıb. Telefon 5G və MagSafe texnologiyasını dəstəkləyir. MagSafe sayəsində telefon simsiz enerji toplayıcısına və Apple brendinin təqdim etdiyi aksessuarlara qoşula bilir.
Batareyanın tutumu 2227 mAh təşkil edir. Günün sonunadək zəng etmək, mesaj və mail göndərmək, şəkil, video çəkmək, internet serfinq etmək üçün smartfonun enerjisi sizə kifayət edəcək. A14 çipinin köməkliyi sayəsində cihaz enerjini daha effektiv sərf edir.
Kameralar
iPhone 12 mini modeli iPhone 12 smartfonu ilə eyni kameralara malikdir. Əsas kamera blokuna 12 meqapikselli geniş bucaqlı, 12 meqapikselli ultra geniş bucaqlı kameralar daxildir. Smartfonun həm kamera bloku, həm də True Depth kamerası saniyədə 60 kadr sürəti ilə 4K videolar çəkə bilir. Əlavə olaraq çəkiliş zamanı arxa və ön kameralar arasında keçid etmək olar. Əlavə olaraq cihaz DolbyVision standartında video çəkir. Zəif işıq şəraitində smartfon daha keyfiyyətli kadrlar yarada bilir. “Gecə” rejimində isə kamera modulları daha çox detallar tutur.
