Təmizlik rutininizi asanlaşdırıb ailənizə daha çox vaxt sərf etmək istəyirsiniz? O zaman sizə robot tozsoran lazımdır! Xiaomi şirkəti müasir evlər üçün keyfiyyətli qadcetlərin istehsalı ilə tanınır. Bu səbəbdən robot tozsoran əldə etmək istəyirsinizsə sizə Xiaomi SKV4093GL modelini məsləhət edirik. Tozsoran çox sadə idarəetmə sisteminə sahibdir. Onu işə salmaq üçün korpusun üst hissəsində yerləşən güc düyməsinə basmağınız kifayətdir. Xiaomi SKV4093GL evinizi effektiv təmizləyib bazaya geri qayıdacaq.
Güc düyməsinin yanında tozsoranın bazaya qayıtması üçün düymə və naviqasiya skaneri var. Əlavə skanerlər cihazın yan hissəsində yerləşdirilib. Beləliklə tozsoran döşəmənin üstünü skan edir və ərazini yaddaşda saxlayır. Növbəti istifadədə Xiaomi SKV4093GL evinizə uyğun təmizlik planı üzrə işləməyə başlayacaq. Cihaz intellektual naviqasiya sisteminə sahibdir. Döşəmədən xalça üzərinə asanlıqla çıxıb o ərazidə sovurma gücünü avtomatik artırır. Ehtiyac olarsa sistemə təmizlik üçün qadağan olan əraziləri də daxil etmək olar. Bundan başqa cihazı siz evdə olmadığınız vaxt işə salınmasını təyin etmək və fərqli ərazilərin müxtəlif vaxtlarda təmizlənməsinin planlaşdırmaq mümkündür.
Cihaz 40 Vt sovurma gücünə sahibdir və 120 m2 sahədə həm quru, həm də nəm təmizlik üçün nəzərdə tutulub. Quru təmizlik üçün toz konteyneri 0.6 litr həcmindədir. Nəm təmizlik üçün su rezervuarı tozsoranın alt hissəsində yerləşir. Nəm təmizləmə rejimində döşəmənin təmizlənməsi üçün robot tozsoran xüsusi mikrofibradan hazırlanmış əskidən istifadə edir. Əski su rezervuarının üzərinə taxılır və döşəmə daha əsaslı təmizlənir. Robot tozsoranın enerjisi 2,5 saat ərzində fasiləsiz təmizlik üçün kifayətdir.
Vaxtınıza qənaət edib evinizin təmizliyini Xiaomi SKV4093GL robot tozsorana həvalə edə bilərsiniz. Məhsulun imkanları ilə evinizdən çıxmadan ətraflı tanış olmaq istəsəniz “Canlı video məsləhətçi” düyməsinə basmağınız kifayətdir. Əməkdaşımız video zəng vasitəsilə robot tozsoranın funksiyaları barəsində sizə geniş məlumat verib suallarınızı cavablayacaq.
