Qabyuyan maşın Bosch SMS46Jl10Q 12 dəst tutumundadır. Bir yumada 9.5 litr su sərf edilir. Glass 40°C rejimi incə şüşə və ya büllurdan hazırlanan qabların qayğılı yuyulmasını təmin edir.
Əgər sizin üçün ən qorxulu sual “Qabları bu gün kim yuyur?” sualıdırsa qabyuyan maşını əldə etməyin vaxtı gəlib. Bosch SMS46Jl10Q modeli ilə qablarınızın yuyulmasına daha az vaxt və su sərf ediləcək. Yağlı qazanların öhdəsindən belə bu model asanlıqla gələ bilir.
Görünüş
Bosch qabyuyan gümüşü rəngdə təqdim edilib. Hamar korpusu və sadə dizaynı sayəsində cihaz hətta sənaye və ya loft üslubunda olan mətbəxlərə asanlıqla uyğunlaşır. Gövdənin üst hissəsində LED displey və idarəetmə paneli yerləşir.
Qablarınızı yerləşdirmək üçün cihazın daxilində 2 ədəd səbət mövcuddur. Gün ərzində istifadə etdiyiniz qabları qabyuyan maşına qoyub bir dəfəyə təmizləyə biləcəksiniz. Səbətlərin hündürlüyü tənzimlənir. Beləliklə, böyük qazanların yerləşdirilməsi asanlaşır. Bosch SMS46Jl10Q solo qabyuyanlar növünə aiddir və 60 sm enindədir. Bu da onun kiçik mətbəxlərdə belə yerləşdirilməsini mümkün edir.
Funksional
Bir yumaya 12 dəstin təmizlənməsi mümkündür. Gün ərzində 4 nəfərdən ibarət ailənin istifadə etdiyi qabların yuyulmasına təxmini 30-40 litr arası su tələb olunur. Bosch qabyuyan 12 dəstin təmizlənməsinə cəmi 9.5 litr su sərf edir. Su ilə yanaşı elektrik enerjisi də qənaətli sərf edilir. Sözügedən model A++ enerjiistifadə sinfinə aiddir.
İstənilən növ qabların effektiv təmizlənməsi üçün maşında 7 proqram var. İncə şüşədən və ya büllurdan hazırlanan badələrin və fincanların qayğılı yuyulması üçün Glass 40° rejimi mövcuddur. Bu rejimdə suyun temperaturu 40°C təşkil edir və qurutma müddəti artırılır. Əlavə olaraq cihazda böyük qazanların və uşaq üçün qabların yuyulması, ECO 50°, Auto 45-65° və s. rejimləri var. Bosch qabyuyan maşınları AquaStop sistemi ilə təchiz edilib. Bu sistem cihazı sızmalardan qoruyur.