Barabanın 10 kq həcmi sayəsində Bosch WGA254X0ME paltaryuyan maşını böyük ailələr üçün əlverişli seçim olacaq. Üstəlik bu model çox funksionaldır. AntiStain Plus texnologiyası istənilən ləkələrin təmizlənməsini təmin edir. Bu texnologiya vasitəsilə cihaz 16 növ ləkələri avtomatik olaraq müəyyənləşdirə bilir. Ləkənin növünə əsasən suyun temperaturu, barabanın hərəkəti, yuma müddəti təyin edilir. Beləliklə, hər yumada mükəmməl nəticə əldə edilir.
Vaxtınız məhduddursa SpeedPerfect funksiyasından istifadə edin. Bu funksiya vasitəsilə yuyulmanın müddətini 65% azalda bilərsiniz. Qısa müddətli yuyulmaya baxmayaraq geyimləriniz effektiv təmizlənəcək. SpeedPerfect funksiyası ilə digər yuma proqramlarından birini seçmək imkanı mövcuddur. Əlavə olaraq paltaryuyanda sürətli yuma rejimi mövcuddur. Onun vasitəsilə geyimləriniz cəmi 30 dəqiqə ərzində yuyulacaq və sıxılacaq. Bosch paltatyuyanı dəqiqədə 1400 dövriyyə sıxma sürətinə sahibdir.
Zərif və incə parçalar adi rejimdə 1 dəfə yuyulmadan sonra öz görünüşünü itirə bilər. Delicates/Silk rejimi və barabanın unikal quruluşu sayəsində ən incə parçadan hazırlanan geyimlər belə zədələnmir, ləkələr isə daha qayğılı və keyfiyyətli təmizlənir.
Ağ paltarlarınızın arasına rəngli geyim qarışıb? Narahat olmayın, Start düyməsinə basıb yuma prosesini dayandırın. Qapağı açıb artıq geyimi çıxarda və ya yaddan çıxan paltarınızı asanlıqla əlavə edə bilərsinz. (QEYD: temperatur 50°C-dən artıq və ya suyun miqdarı çox olarsa bu funksiyadan istifadə etmək mümkün olmayacaq)
AllergyPlus texnologiyası geyimlərinizin üzərində olan allergenləri tamamilə ləğv edir. Bu rejimdə geyimlər daha yüksək temperaturda yuyulur. Yuyucu vasitənin tamamilə çıxarılması üçün isə yaxalama müddəti uzadılır. Yan hissələrin xüsusi dizaynı sayəsində cihaz hətta sıxma zamanı daha sakit işləyir. Onun səs səviyyəsi cəmi 74 dB-dir.
