Ətçəkən seçərkən daha çox hansı parametrlərinə diqqət etmək lazımdır? Bu sualın cavabı yüksək güc, funksionallıq, keyfiyyətli materiallar, müxtəlif məqsədli başlıqlar, revers funksiyası və etibarlı brend olacaq. Saytımızda istənilən tələblərə və büdcəyə uyğun ətçəkən modelləri mövcuddur. Seçim etməkdə çətinlik çəkirsinizsə Tefal brendinə nəzər yetirməyinizi məsləhət edirik. İmkanları və dəbli görünüşü ilə seçilən Tefal NE686830 modelini təqdim edirik. Cihazın korpusu möhkəm plastikdən hazırlanıb. Korpus zərbələrə davamlıdır, nəticədə ətçəkən sizə uzun illər xidmət edəcək. Metal hissələr və ətin çəkilməsi üçün istifadə olunan başlıqların materialı paslanmayan poladdır.
Tefal NE686830 yüksək məhsuldarlığa sahibdir. 2200 Vt gücü sayəsində 1 dəqiqə ərzində 2 kq ət çəkə bilir. Sözügedən modelin məişət ətçəkənlər kateqoriyasına aid olmasını nəzərə alsaq bu mükəmməl nəticədir. Korpusun arxa hissəsində xüsusi qapaq yerləşir. Altında bütün aksessuarları yerləşdirmək üçün yer mövcuddur. Beləliklə, başlıqlar üçün əlavə saxlama yeri axtarmaq lazım deyil. Üst hissədə cihazın daşınmasını asanlaşdıran qulp var.
Komplektasiyaya böyük, orta və kiçik dəlikli ət çəkmək üçün başlıq, sosislər, kolbasa və kebbe hazırlamaq üçün başlıqlar daxildir. Hazırladığınız yeməyə əsasən ətin çəkilmə dərəcəsini tənzimləyə bilərsiniz. Yeməyiniz üçün xırda doğranmış ət lazımdırsa böyük dəlikli başlıqdan istifadə edin. Orta və kiçik dəlikli başlıqlarla isə ideal farş əldə edəcəksiniz. Tefal NE686830 modelində revers funksiyası mövcuddur. Bu funksiya vasitəsilə şneki əks tərəfə fırlatmaq olur. İstifadə zamanı ət maşında ilişsə revers düyməsinə basmağınız kifayətdir.
