Mavi rəngdə təqdim edilən Apple iMac 24 modeli Kontakt az saytında təqdim edilib. 24 düymlü displey TrueTone texnologiyasını dəstəkləyir. SSD 256 GB-dır.
Apple iMac 24 əldə etməklə iş proseslərini sürətləndirə biləcəksiniz. Keyfiyyətli materiallardan hazırlanan monoblok sizə uzun illər boyu xidmət edəcək.
Görünüş
iMac 24 Blue modelinin görünüşü sizi heyran edəcək. Monoblok cəmi 11.5 mm qalınlığındadır. Mavi alüminium və şüşə ilə örtülən gövdə lakonik dizayna malikdir. Arxa tərəfdə 2 ədəd USB 3 Type-C, 2 ədəd Thunderbolt girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.5 kq çəkisindədir, onu hətta bir əllə asanlıqla qaldıra biləcəksiniz.
Monoblok güclü səsə malikdir. Korpusda yerləşdirilən 6 ədəd dinamiklər səsi Dolby Atmos keyfiyyətində ötürür. Sevdiyiniz musiqidən, yeni çıxan filmdən həzz ala bilməyiniz üçün monobloka əlavə dinamiklər birləşdirməyə ehtiyac yoxdur.
Displey
24” düymlü ekranın görüntüsü detallı və parlaqdır. Yüksək ekran tezliyi sayəsində hər bir kadr sabitliyini və dəqiqliyini qoruyur. iMac 24 True Tone texnologiyasını dəstəkləyir. Bu isə o deməkdir ki, görüntü daha təbii əks edilir. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.
iMac 24 keyfiyyətli veb kamera ilə təchiz edilib. Apple M1 çipi ilə görüntü daha aydın və detallı ötürülür. Beləliklə, günün istənilən vaxtı mükəmməl görünəcəksiniz. Cihazda 3 ədəd mikrofon yerləşdirilib, həmsöhbətiniz ətrafınızdakı səs-küyü yox sizi eşidəcək.
Məhsuldarlıq
Monoblokun məhsuldarlığına M1 çipi cavabdehdir. Yeni çip bütün sistem proseslərini effektiv idarə edir. Nəticədə, iMac 24 çətin montajları belə sürətli yerinə yetirir. Operativ yaddaş 8 GB, SSD isə 256 GB-dır. Yeni çipin effektivliyi sayəsində çətin tapşırıqları yerinə yetirəndə belə monoblokun gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.
MacOS əməliyyat sisteminin köməkliyi ilə iPhone və iPad üçün tətbiqləri iMac-da işə salmaq mümkün olub. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.
