iPhone 13 Pro Max Kontakt Home saytında Graphite rəngində mövcuddur. iPhone IP68 qorunma dərəcəsinə sahibdir və sudan qorxmur. A15 Bionic çipi smartfonu daha sürətli edib.
Ən güclü iPhone sahibi olmaq istəyirsiniz? iPhone 13 Pro Max sizə maksimum güc, sürət və avtonomluq təqdim edir. Qısa müddət ərzində smartfon istifadəçi məmnuniyyətini qazana bilib.
Görünüş və Ekran
13-cü Pro Max dəbli Graphite rəngində təqdim edilib. Klassik qara smartfonları sevirsinizsə seçiminizi bu modeldə dayandırın. Arxa panel mat şüşə ilə örtülüb. Ön hissədə böyük 6.7 düymlü OLED ekran yerləşir. Yan çərcivə parlaq poladdan hazırlanıb. Smartfonu əlinizdən tutub istifadə etməkdən zövq alacaqsınız. Super Retina displeyin zərbələrə davamlılığı artırılıb. Cihaz əlinizdən üzü üstə yerə düşsə belə ekran zədələnməyəcək.
Zərbələrlə yanaşı möhkəm korpus sudan qorxmur. IP68 qorunma dərəcəsi sayəsində smartfonun üzərinə çay və ya adi su tökülsə cihaz işləməyə davam edəcək. Ekranin üst hissəsində TrueDepth kamerası və dinamik yerləşir. Ön kamera üz tanımanı dəstəkləyir və zəif işıq şəraitində belə smartfonu sürətli blokdan çıxarır.
Məhsuldarlıq və Avtonomluq
Apple A15 Bionic çipi ilə ağlasığmaz imkanlara sahibsiniz. Balaca olmasına baxmayaraq yeni çip smartfonda icra edilən bütün prosesləri idarə edir. Yeni iPhone 13 Pro Max qrafikanı 50% daha sürətli emal edərək ideal baxış keyfiyyəti təqdim edir. Kamera sisteminin imkanları genişləndirilib. Artıq smartfonla film çəkmək mümkündür. Parlaq displey enerjini daha optimal sərf edir. Bu xüsusiyyətə ProMotion texnologiyası vasitəsilə nail olunub. Məqalə oxuduğunuz, mesaj göndərdiyiniz zaman smartfon ekran tezliyini 10 Hz qədər salıb enerjini səmərəli sərf edəcək. HD keyfiyyətində video izləməyə başlayan kimi tezlik avtomatik 120 Hz qaldırılır və görüntü parlaq, detallı təsvir edilir.
iOS 15 əməliyyat sistemi ilə yeni funksiyalar əlavə edilib və interfeys sadəliyini qoruyub. GPS sistemi və “Xəritələr” tətbiqi daha da təkmilləşdirilib. Lazım olan yerə sürətli çata bilməyiniz üçün dəqiq marşrut təyin edilir. Yüksək detallıq və 3D görüntü sayəsində isə istiqaməti asanlıqla tapacaqsınız. Bundan başqa Safari brauzerinin imkanları genişləndirilib. Açılan səhifələri asanlıqla saxlamaq, qrup şəklində yerləşdirmək və aralarında sürətli keçid etmək olar. Rahat istifadə üçün səsli axtarış əlavə edilib.
4352 mAh həcmli batareyanın enerjisi günün sonunadək tükənmir. iPhone 13 Pro Max ilə tamamlanmayan işləriniz qalmayacaq. Daha öncəki Pro Max modellərlə müqayisədə iPhone 13 Pro Max 2.5 saat daha çox işləyir.
Kameralar Bloku
Daha keyfiyyətli şəkillər yarada bilməyiniz üçün iPhone 13 Pro Max kameralarının ölçüləri böyüdülüb. Optik stabilləşmə və hərəkət edən matris sayəsində əliniz əssə belə sabit şəkillər əldə edilir. “Deep Fusion” texnologiyası sayəsində hətta zəif işıq şəraitində istənilən tekstur kadrda əks ediləcək.
iPhone 13 Pro Max smartfonuna çəkilən videolara Boke effektini tətbiq etmək mümkündür. Bunun üçün “Kinoeffekt” rejimindən istifadə edin. Obyekt hərəkət etsə belə ideal nəticə əldə edəcəksiniz. A15 çipinin alqoritmləri hər bir kadrı çəkiliş zamanı emal edir. Lakin bu effekti çəkilişdən sonra da tətbiq etmək mümkündür.
Daha bir yeniliyi qarşılayın - “Photographyc styles” şablonları. Bu şablonların köməkliyi ilə şəkillərinizə seçdiyiniz ton və rənglərin kontrastını seçə biləcəksiniz. Şablonları sizə uyğun olaraq tənzimləyib çəkilişə başlamaq olar. Bundan başqa, iPhone 13 Pro modelində ilk dəfə olaraq videonu çəkmək və daha sonra ProRes formatında və ya Dolby Vision standartında redaktə etmək mümkündür.
