Südlü qəhvə içkilərini sevirsinizsə süd köpükləndiricisi vasitəsilə ev şəraitində daha ləzzətli nəticə əldə edə bilərsiniz. Əgər keyfiyyətli və sizə illər boyu xidmət edən süd köpükləndiricisinə sahib olmaq istəyirsinizsə Delonghi EMF2.BK modelinə nəzər yetirməyinizi məsləhət edirik. Zərərsiz plastikdən hazırlanan korpus qara rəngdə təqdim edilib. Mətbəx texnikasında qara rəngə üstünlük verənlər bu cihazın görünüşünü bəyənəcək.

Köpükləndiricinin tutumu 250 ml-dir. Beləliklə, bir dəfəyə böyük fincan kapuçino üçün qatı köpüklü süd hazırlamaq olar. Qurğu həm isti, həm də soyuq süd üçün istifadə edilə bilər. Qızmar yay günlərində sərinləşdirici qəhvə içkiləri ilə yaxınlarınızı sevindirin. İdarəetmə çox sadədir. Lazım olan miqdarda südü töküb köpükləndiricinin qapağını bağlayın. Daha sonra korpusda yerləşən güc düyməsinə basın və bir neçə dəqiqə ərzində ləzzətli süd köpüyü hazır olacaq.