Kontakt Home iPhone 13 Pro Max smartfonunu onlayn çatdırılma ilə əldə etməyi təklif edir. Smartfon Apple A15 Bionic çipi üzərində işləyir. Korpus IP68 qorunma dərəcəsinə sahibdir.
iPhone 13 Pro Max ilə imkanlarınız sərhədsizdir. Smartfon özündə müasir kompüterin imkanlarını birləşdirir. Böyüdülmüş kameralar sizə peşəkar fotoapparatı əvəz edəcək. Həcmli batareya sayəsində gün ərzində daha çox iş yerinə yetirəcəksiniz.
Dizayn və Displey
iPhone 13 Pro Max Gold premium görünüşə sahibdir. Smartfonun gövdəsi yüksək keyfiyyətli materiallardan hazırlanıb. Arxa panel cızıqlara davamlı şüşə ilə örtülüb. Ön panel güclü zərbələrə davamlıdır. Hər iki paneli bir-birinə paslanmayan poladdan hazırlanan çərçivə birləşdirir. Böyük ekrana baxmayaraq cihaz əldə rahat yerləşir və cəmi 240 qram çəkiyə sahibdir. 6.7 düymlü displey rəngləri 20% daha parlaq ötürür. Cihazın gövdəsi su və toz keçirmir. iPhone 13 Pro Max modellərinin korpusu yüksək qorunma dərəcəsinə sahibdir.
Məhsuldarlıq və Avtonomluq
Apple A15 Bionic çipi smartfonu daha sürətli edib. Bundan başqa mərkəzi prosessorunun məhsuldarlığı artırılıb, qrafik prosessor qrafikanı daha çevik emal edir. Ağır qrafika mükəmməl təsvir edilir. Yeni çip Neural Engine maşın öyrənməsi və FaceID sistemlərinin işini təkmilləşdirib.
A15 batareyanın enerjisini daha effektiv sərf edir. Bu ProMotion texnologiyası sayəsində mümkün olub. İstifadədən asılı olaraq ekran tezliyi avtomatik olaraq tənzimlənir. Yüksək detallıq lazım olan an ekran tezliyi 120 Hz qədər artırılır. Nəticədə hamar keçidlər və keyfiyyətli görüntü əldə edilir. Gündəlik işlərinizi həll etdiyiniz zaman isə ekran tezliyi 10 Hz qədər azalır.
Aktiv istifadəni təmin etmək üçün batareyanın həcmi 4352 mAh qədər artırılıb. Adi istifadə rejimində smartfonun enerjisi növbəti günün ortasına qədər kifayət edəcək.
Kameralar
Sirr deyil ki, iPhone kameraları keyfiyyəti ilə seçilir. iPhone 13 Pro Max modelinin böyüdülmüş kameraları ilə fotoəsərlər yaradacaqsınız. Arxa paneldə yerləşən 77 mm telefoto kamera 3X optik zoom-a sahibdir. Onun köməkliyi ilə makro rejimdə çəkiliş edə bilərsiniz. Beləliklə, cihaza əlavə makro kamera yerləşdirməyə ehtiyac qalmır. Ultra geniş bucaqlı kameranın avtofokus sistemi iri kadrlar üçün yaradılıb. Smartfonu obyektdən 2 sm aralıqda tutsanız belə şəklin detallığı itməyəcək.
iPhone 13 Pro Max ilə daha çox kollektiv şəkillər yaradın. "Smart HDR 4" rejimi ilə obyektivə düşən bütün dostlarınız ideal alınacaq. Bu rejimdə parlaqlıq və kontrast hər bir nəfər üçün individual olaraq tənzimlənir. Dəri tonu isə təbii qalır.
"Kinoeffekt" rejimi ilə özünüzdə rejissor istedadını kəşf edin. Bu rejimin köməkliyi ilə hər bir videonuz qısametrajlı filmə oxşayacaq. A15 çipinin alqoritmləri çəkiliş zamanı arxa fona bulanıq effekti tətbiq edir. Bu zaman fokus bir obyektdə cəmlənir. Kadra ikinci obyekt düşən kimi fokus avtomatik olaraq yeni obyektə yönləndirilir.