iPhone 13 Pro Max 128 GB daxili yaddaşa malikdir. Smartfona Apple A15 çipi quraşdırılıb. Batareyanın tutumu 4352 mAh-dır. Korpus IP68 qorunma dərəcəsinə malikdir.
İş tapşırıqlarınızın bir hissəsini smartfon vasitəsilə yerinə yetirirsinizsə sizə iPhone 13 Pro Max əldə etməyi məsləhət edirik. Cihazın köməkliyi ilə daha geniş imkanlara sahib olacaqsınız.
Görünüş və Ekran
Sadə görünüşə malik texnikaya üstünlük verirsinizsə Graphite rəngində təqdim edilən Pro Max modelinə nəzər yetirməyi məsləhət edirik. Ön və arxa panelləri birləşdirən parlaq çərçivə paslanmayan poladdan hazırlanıb. Ön panel möhkəm Ceramic Shield materialı ilə qorunur. Bu innovativ material sayəsində ekranın zərbələrə davamlılığı 4 qat artırılıb. Arxa panel mat şüşə ilə örtülüb. Smartfon əldə rahat yerləşir. Korpusda istifadə edilən materiallar, parlaq və toxunuşlara həssas displey sayəsində cihazı əlinizdən buraxmaq istəməyəcəksiniz. IP68 qorunma dərəcəsinə sahib iPhone Pro Max suya və toza qarşı davamlıdır.
iPhone 13 Pro Max 6.7" düymlü OLED displeylə təchiz edilib. İşıqlandırmadan asılı olmayaraq ekran görüntünü parlaq ötürür. İlk dəfə olaraq bu modeldə ProMotion texnologiyası istifadə edilib. İzlədiyiniz kontentdən asılı olaraq ekran tezliyi avtomatik olaraq 10-120 Hz arası dəyişir. Görüntü üçün yüksək detallıq lazım olanda tezlik 120 Hz qədər qaldırılır. Smartfonu adi rejimdə istifadə etdiyiniz zaman isə ekran tezliyi azalır. Nəticədə, smartfon enerjini daha səmərəli sərf edir.
Məhsuldarlıq və Avtonomluq
Apple A15 Bionic çipi sayəsində 13-cü Pro Max daha güclü və sürətli olub. 6 nüvəli mərkəzi prosessor sistem proseslərini, enerjinin sərf edilməsini, kamera və üz tanıma sistemlərinin işini optimallaşdırır. 5 nüvəli qrafik prosessor sayəsində iPhone 13 Pro Max digər smartfonlarla müqayisədə qrafikanı 50% daha sürətli emal edir. iOS 15 əməliyyat sistemi interfeysin stabilliyini və çevikliyini təmin edir. Sözügedən model iPhone modelləri arasında ən böyük daxili yaddaşa sahibdir. Təqdim edilən 128 GB istənilən məlumatın saxlanılması üçün kifayət edir. iPhone-a hətta HD keyfiyyətində film yükləyə bilərsiniz.
Yeni Pro Max modelin avtonom işləmə müddəti 2.5 saat artırılıb. 4352 mAh həcmli batareya sayəsində smartfonu gün ərzində bir dəfə şarj etməyiniz kifayətdir. Cihazın enerjisi 95 saatadək fasiləsiz musiqi dinləmək üçün kifayət edir.
Kameralar
iPhone 13 Pro Max modelinin əsas yeniliklərindən biri də kamera blokudur. Arxa paneldə yerləşdirilən kameraların ölçüləri böyüdülüb. A15 Bionic çipi sayəsində şəkillərin keyfiyyəti artırılıb. 77 mm telefoto kamera 3X optik zoom-a sahibdir. Bu xüsusiyyət sayəsində makro rejimdə çəkiliş etmək olar. Beləliklə, cihaza əlavə makro kamera yerləşdirməyə ehtiyac qalmır. 12 meqapikselli ultra geniş bucaqlı kamera avtofokusa sahibdir. Avtofokusun köməkliyi ilə smartfonu çəkiliş obyektindən 2 sm aralıqda tutsanız belə yüksək detallığa sahib kadrlar əldə edəcəksiniz.
Smartfonun köməkliyi ilə mükəmməl qrup şəkilləri yaradacaqsınız. "Smart HDR 4" rejimi ilə obyektivə düşən hər bir nəfər üçün parlaqlıq və kontrast individual olaraq tənzimlənir. Dəri tonu isə təbii qalır. Nəticədə, daha keyfiyyətli kadrlar əldə edilir.
Apple-dan daha bir yenilik – "Kinoeffekt" rejimi. Bu rejim vasitəsilə iPhone 13 Pro Max smartfonuna film çəkmək mümkündür. A15 çipinin alqoritmləri çəkiliş zamanı arxa fona bulanıq effekti tətbiq edir. Bu zaman fokus bir obyektdə cəmlənir. Kadra ikinci obyekt düşən kimi fokus avtomatik olaraq yeni obyektə yönləndirilir. Obyektivin yenilənmiş dizaynı sayəsində ultra geniş kamera makro rejimdə bənzərsiz videolar yarada bilir.