Kontakt Home iPhone 13 Pro 512 GB yaddaşa sahibdir. iPhone yeni Apple A15 Bionic çipi üzərində işləyir. Yenilənmiş batareyanın enerjisi günün sonunadək tükənməyəcək.
Ən güclü iPhone əldə etmək istəyirsinizsə iPhone 13 Pro funksionallığı və imkanları ilə sizi sevindirəcək. Peşəkar kamera sistemi ilə bənzərsiz foto və videolar yaratmaq olar. Yenilənmiş batareya sayəsində günün sonunadək enerjisiz qalmayacaqsınız.
Dizayn və Ekran
iPhone 13 Pro modelləri yeni rənglərdə təqdim edilib. Sözügedən smartfon artıq klassik hesab edilən Gold rəngində mövcuddur. Smartfonun korpusu möhkəm şüşədən və paslanmayan poladdan hazırlanıb. Buna baxmayaraq cihaz cəmi 204 qram çəkiyə sahibdir və əldə rahat yerləşir. Ekranın möhkəmliyini təmin etmək üçün ön panel innovativ Ceramic Shield materialı ilə örtülüb. Bu material displeyin zərbələrə davamlılığını artırıb.
Super Retina XDR ekran 6.1 düymlüdür və inanılmaz baxış keyfiyyəti təqdim edir. Bunun səbəbi artırılmış parlaqlıq və ProMotion texnologiyasıdır. Bu texnologiya, izlədiyiniz kontentdən asılı olaraq, ekran tezliyini avtomatik olaraq 10-120 Hz arası dəyişir. Film izləyəndə və ya ağır qrafikaya sahib oyun oynayanda yüksək detallıq və hamar görüntü tələb olunur. Bu zaman tezlik 120 Hz qədər qaldırılır. Daha sonra adi istifadə rejiminə qayıdanda ekran tezliyi 10 Hz qədər azalır və smartfon enerjini daha səmərəli sərf etməyə başlayır.
Məhsuldarlıq və Avtonomluq
Smartfonun yüksək məhsuldarlığını Apple A15 Bionic çipi təmin edir. Çip 6 nüvəli mərkəzi və 5 nüvəli qrafik prosessorlarının işini sürətləndirib, enerjinin sərf edilməsini, kamera və üz tanıma sistemlərini optimallaşdırır. iPhone 13 Pro iOS 15 əməliyyat sistemi üzərində işləyir. Yenilənmiş əməliyyat sistemi smartfonun interfeysini daha stabil və çevik edib. Operativ yaddaş 6 GB, daxili yaddaş isə 512 GB-dır. İstənilən tətbiqləri yükləyib, sevdiyiniz musiqini, videoları, çəkdiyiniz şəkilləri smartfonda saxlamaq mümkündür.
13-cü iPhone Pro enerjini 2.5 saat daha çox saxlaya bilir. 4373 mAh barateya daim hərəkətdə olan insanlar üçün nəzərdə tutulub. Gün ərzində fasiləsiz musiqi dinləyin, zəng edin, mesaj və mail göndərin, video çəkin – smartfonun enerjisi tükənməyəcək.
Kamera Bloku
iPhone 13 Pro yeni kamera sistemi ilə təchiz edilib. Kamera bloku optik stabilləşmə və hərəkət edən matrisə sahibdir. Günün istənilən vaxtı ideal və əlavə redaktə tələb etməyən şəkillər çəkə biləcəksiniz. 77 mm telefoto kamera 3X optik zoom-a sahibdir və görüntünü 6 dəfə yaxınlaşdıra bilir. Beləliklə, bu kameranı həm "Portret" rejimi, həm də iri kadrlar üçün istifadə edəcəksiniz. Üstəlik makro rejimində videolar çəkmək mümkündür.
Ultra geniş bucaqlı kamera güclü avtofokus sisteminə sahibdir. Smartfonu çəkiliş obyektindən 2 sm aralıqda tutsanız belə yüksək detallı kadrlar yarada biləcəksiniz. 12 meqapikselli geniş bucaqlı kamera isə 2.2 dəfə daha çox işıq tuta bilir. Bu kameraya zəif işıq şəraitində şəkillər çəkməyi yoxlayın. Nəticə sizi təəccübləndirəcək. Selfilər üçün nəzərdə tutulmuş TrueDepth kamera imkanları ilə əsas blokdan geridə qalmır və mövcüd olan bütün rejimləri dəstəkləyir.
iPhone 13 Pro 512GB Gold
Mövcud deyil
-
Quraşdırma paketi M29,99 ₼ -
Quraşdırma paketi L59,99 ₼ -
Quraşdırma paketi XL89,99 ₼ -
Quraşdırma paketi XXL119,99 ₼ -
Quraşdırma paketi XXXL149,99 ₼
