iPhone 13 Pro yeni Apple A15 Bionic çipinə malikdir. Şəkillərin yaradılması üçün 12 mpx kamera bloku var. Şəkillərin saxlanılması üçün 256 GB daxili yaddaş ayrılıb.

Keyfiyyəti və məhsuldarlığı ilə seçilən, peşəkar kamera sisteminə sahib olan smartfon axtarırsınızsa Apple brendinə üz tutun. iPhone 13 Pro ilə imkanlarınız sərhədsizdir. Mail göndərin, təqdimatlar hazırlayın, iş fayllarınızı yoxlayın, film izləyin, ən müasir oyunları smartfonda işə salın – yeni iPhone çox şeyə qadirdir.

Dizayn və Displey

iPhone 13 Pro Silver rəngində təqdim edilib. Açıq rəngli smartfonları sevirsinizsə bu model sizin üçündür. Cihazın gövdəsi yüksək keyfiyyətli materiallardan hazırlanıb – ön panel Ceramic Shield ilə örtülüb, arxa panel möhkəm şüşədən hazırlanıb, yan çərçivənin materialı isə paslanmayan poladdır. Displeydə yerləşdirilən True Depth kamera smartfonda saxlanılan məlumatlarınızın təhlükəsizliyini qoruyur.

Smartfon ProMotion texnologiyasına malikdir. Nəticədə, baxış keyfiyyəti artırılıb. İzlədiyinizə əsaslanaraq ekran tezliyini avtomatik 10-120 Hz arası dəyişir. HD keyfiyyətində video və ya film izləyəndə yüksək detallıq və hamar görüntü tələb olunur. Bu zaman tezlik 120 Hz qədər qaldırılır. Daha sonra adi istifadə rejiminə qayıdanda ekran tezliyi 10 Hz qədər azalır və smartfon enerjini daha səmərəli sərf etməyə başlayır.

Məhsuldarlıq və Avtonomluq

iPhone 13 Pro modelinin məhsuldarlığı A15 Bionic çipindən asılıdır. Yeni çip mərkəzi və qrafik prosessorlarının işini sürətləndirərək cihazın məhsuldarlığını artırıb. Bundan başqa enerjinin sərf edilməsi, kamera və üz tanıma sistemləri optimallaşdırılıb. 13-cü Pro iOS 15 əməliyyat sistemi üzərində işləyir. Nəticədə, smartfonun interfeysi daha stabil və çevikdir. Operativ yaddaş 6 GB, daxili yaddaş isə 256 GB-dır. İstənilən tətbiqlərin, musiqinin, videoların yüklənilməsi, çəkdiyiniz şəkillərin saxlanılması üçün daha çox yeriniz var.

iPhone 12 Pro ilə müqayisədə yeni Apple smartfonu 1.5 saat daha çox işləyə bilir. 3125 mAh barateya aktiv həyat tərzi sevənlər üçün nəzərdə tutulub. Gün ərzində fasiləsiz musiqi dinləyin, zəng edin, mesaj və mail göndərin, video çəkin – smartfonun enerjisi tükənməyəcək.

Kameralar

Böyüdülmüş kameralar və yeni çipin köməkliyi ilə heyranedici şəkillər yaradacaqsınız. Hər bir kadr parlaq rəngləri və dəqiq görüntüsü ilə seçilir. Kameralar optik stabilləşmə və hərəkət edən matrislə təchiz edilib. Nəticədə, smartfon günün istənilən vaxtı stabil görüntüyə sahib videolar və şəkillər yarada bilir. 

77 mm telefoto kamera 3X optik zoom-a sahibdir. Onun köməkliyi ilə kamera görüntünü 6 dəfə yaxınlaşdıra bilir. Beləliklə, telefoto kamera ilə makro rejimində şəkil və videolar çəkmək mümkündür. 12 meqapikselli ultra geniş bucaqlı kamera güclü avtofokus sisteminə sahibdir. Smartfonu çəkiliş obyektindən 2 sm aralıqda tutsanız belə inanılmaz dərəcədə detallı kadrlar yarada biləcəksiniz. 12 meqapikselli geniş bucaqlı kamera isə 2.2 dəfə daha çox işıq tuta bilir. Bu kameraya zəif işıq şəraitində şəkillər çəkməyi yoxlayın. Nəticə sizi təəccübləndirəcək. Bundan başqa bütün kameralar “Gecə” rejimini dəstəkləyir.