iPhone 11 Kontakt Home saytında mövcuddur. Parlaq LCD ekran zərbələrə davamlı şüşə ilə örtülüb. 12 mpx kameralar detallı şəkillər yaradır. Əməliyyat sistemi iOS 13-dür.

2019-cu ildə istehsal edilən iPhone 11 Green məhsuldarlığı ilə seçilir və peşəkar keyfiyyətli şəkillər yarada bilir. Sürətli interfeys rahat istifadəni təmin edir.

Görünüş 

Smartfonun arxa paneli pastel yaşıl rəngdə təqdim edilib. Seçilməyi sevirsinizsə bu model sizin üçündür. Hər iki panel möhkəmləşdirilmiş şüşədən hazırlanıb və mexaniki zədələrə davamlıdır. Panelləri bir-birinə alüminium çərçivə birləşdirir. Arxa panelin materialı şüşə olsa belə smartfon cəmi 194 qram çəkiyə sahibdir. İstifadə zamanı əlinizdə ağırlıq hiss etməyəcəksiniz. Korpus suya davamlıdır və 2.5 metr dərinliyində 30 dəqiqə ərzində qala bilir. Smartfon təsadufən əlinizdən hovuza düşsə belə işlək vəziyyətdə qalacaq.

6.15 düymlü displey yüksək baxış keyfiyyəti təqdim edir. Ekran tezliyi və rənglərin parlaqlığı sayəsində görüntüdən zövq alacaqsınız. Aydınlığı asanlıqla tənzimləyib ətrafınızdakı işıqlandırmadan asılı olmayaraq kontenti dəqiq oxuya biləcəksiniz. Sensorlu ekran toxunuşlara həssasdır. Onun köməkliyi ilə istənilən hərəkətiniz dəqiq və çevik yerinə yetirilir. Ən əsası isə, aktiv yazışma zamanı belə ekranda barmaq izləri qalmır. Xüsusi oleofob örtük ləkələrin əmələ gəlməsinin qarşısını alır.

Məhsuldarlıq

Apple A13 Bionic çipi smartfonun funksionallığını artırıb. Nəticədə, iPhone 11 daha çox tapşırıq yerinə yetirə bilir. Mərkəzi prosessor 4 GB operativ yaddaşla birlikdə sistem proseslərinin effektiv idarə edilməsini təmin edir. Qrafik prosessoru görüntünü 20% daha sürətli emal edir. Güclü çip enerjinin optimal sərf edilməsini təmin edir. Bu xüsusiyyət və 3110 mAh tutumlu batareya sayəsində smartfonu gün ərzində bir neçə dəfə şarj etmək lazım olmayacaq.

Kameralar

Peşəkar kamera sistemi ilə bənzərsiz şəkillər yaradacaqsınız. 12 meqapikselli geniş bucaqlı kamera optik stabilizasiya ilə təchiz edilib. Nəticədə, hərəkət etdiyiniz zaman sabit görüntülü və 4K keyfiyyətində videolar əldə edəcəksiniz. Ultra geniş bucaqlı kamera arxa fonu maksimal əhatə edir. Bütün lazım olan obyektlər kadra yerləşəcək. İdeal şəkillər üçün əlavə olaraq "Portret", "Smart HDR" və "Gecə" rejimləri mövcuddur. Selfi çəkməyi sevirsinizsə 12 meqapikselli ön kameranın işini bəyənəcəksiniz.