Redmi Note 11S modelinin avtonom işləmə müddəti 2 gün təşkil edir. 6.43” düymlü AMOLED displey görüntünü keyfiyyətli ötürür. 108 mpx kamera parlaq şəkillər yaradır.

Parlaq korpusa malik Redmi Note 11S smartfonu güclü kamera blokuna, böyük ekrana və sürətli interfeysə sahibdir. Artırılmış batareya sayəsində smartfonun avtonom işləmə müddəti 2 gün təşkil edir.

Görünüş və Ekran

Xiaomi Redmi Note 11S modelinin korpusu mat plastikdən hazırlanıb. Smartfon Kontakt Home saytında Twilight Blue rəngində mövcuddur. Dəyirmiləşdirilmiş yanları telefonu əlinizdə rahat tuta bilməyiniz üçün imkan yaradır. Smartfon su sıçramalarına davamlıdır. IP53 qorunma dərəcəsi sayəsində yağış altına düşməkdən qorxmayacaqsınız. Güclü stereo səs sevənlər üçün smartfonun üst və alt hissələrində 2 ədəd dinamiklər yerləşdirilib. Danışıq zamanı səsin keyfiyyətli ötürülməsini 2 ədəd mikrofon təmin edir. Yaxınlaşma sensoru sayəsində düymələrə təsadüfən basmayacaqsınız.

Sözügedən modeldə parlaqlığı ilə seçilən AMOLED displeyindən istifadə edilib. Ekran tezliyi 90 Hz-dır. Təbii və düzgün əks olunan rənglər, böyük ekran sevdiyiniz videoların rahat izlənilməsini təmin edir. Displeyin aydınlığı ətrafınızdakı işıqlandırmaya uyğunlaşır. Beləliklə, Note 11S modelindən zəif işıq şəraitində belə istifadə etmək olar.

Prosessor və Batareya

Mediatek Helio G96 prosessor və 6 GB operativ yaddaş tətbiqlərin sürətli işə salınmasını, intensiv istifadə zamanı ekranın donmamasını təmin edir. Bundan başqa, Redmi Note 11S vasitəsilə böyük həcmli fayllar yükləmək, şəkil və videoları göndərmək, eyni anda bir neçə tətbiqləri işə salmaq mümkündür. Smartfon Android 11 əməliyyat sistemi üzərində işləyir. İnterfeys bütün toxunuşlara çevik cavab verir. Lazım olan məlumatın saxlanılması üçün isə 128 GB daxili yaddaş təqdim edilib. MicroSD kart vasitəsilə bu həcmi artıra biləcəksiniz.

Smartfon 5000 mAh həcmli batareya ilə təchiz edilib. Mobil oyunları sevirsinizsə bu model sizin üçündür. Aktiv istifadə zamanı cihazın enerjizi 24 saat üçün kifayət edir. Enerjisi bitmiş qurğunu 100% qədər şarj etmək üçün cəmi 1 saat vaxt tələb olunur.

Kameralar

Xiaomi Redmi Note 11S modelinin 108 meqapikselli əsas kamerası həm gün işığı altında, həm də gecə gəzintisi zamanı aydın və detallı şəkillər yarada bilir. Şəkillərlə yanaşı bu kamera Full HD formatında videolar çəkir. Əlavə olaraq, arxa paneldə 8 mpx ultra geniş bucaqlı kamera, 2mpx makro kamera və 2 mpx dərinlik sensoru yerləşdirilib. Stabilizasiya sayəsində hərəkət zamanı belə şəkil çəkə biləcəksiniz.