Yeni Xiaomi Redmi 9T aşağı büdcəli hesab edilsə belə bir çox müsbət xüsusiyyətlərə malikdir. Çihazın rəngi tünd bozdur. Korpus plastikdən hazırlanıb və su sıçramalarından xüsusi örtüklə qorunur. Sağ tərəfdə səs və güc düymələri, sol tərəfdə iki ədəd nanoSIM üçün giriş var. Güc düyməsinin üzərində barmaq izi skaneri quraşdırılıb. Ön panel şüşədəndir, Corning Gorilla Glass 3 ilə cızıqlardan və zədələrdən qorunur.
Ekran görüntünü dəqiq təsvir edir. Kiçik detallar belə aydın görünür, rənglər isə canlıdır. Smartfonu gündüz və axşam vaxtı rahat istifadə edə bilərsiniz. Kitab, məqalə və s. oxumaq üçün xüsusi rejim mövcuddur. Ekranın sensoru toxunuşlara çox həssasdır və smartfonun istifadəsini asanlaşdırır.
Cihaz Qualcomm SM6115 Snapdragon 662 prosessoru ilə təchiz edilib və gündəlik tapşırıqları effektiv yerinə yetirə bilir. Smartfonun 4 Gb operativ yaddaşı sayəsində tətbiqlərin işi sürətlidir və uzun müddət istifadədən sonra belə cihaz qızmır. Kontenti, şəkilləri, musiqini saxlamaq üçün 128 Gb daxili yaddaş sizə kifayət olmasa, üzülməyin. Telefon microSD dəstəkləyir, beləliklə məlumatın saxlanılması üçün daha çox yeriniz olacaq.
Xiaomi Redmi 9T-nin əsas kamerası 48 meqapiksellidir. Gündüz və gecə zamanı yüksək keyfiyyətli şəkillər çəkə bilir və sürətli avtofokusa sahibdir. Ultra geniş bucaqlı kamera iri obyektləri bir kadra yerləşdirə və heyranedici panorama yarada bilir. 2 meqapikselli makro kamera detallı şəkillər çəkir.
Dərinlik sensoru boke effektli şəkillər üçün istifadə edilir. Nəticədə arxa fon bulanıq olur və əsas obyekt ön plana çıxır. 8 meqapikselli ön kamera ilə yüksək keyfiyyətli selfi çəkə biləcəksiniz. Ön kamera sayəsində smartfonda Face ID sistemi də güclü işləyir.
Redmi 9T enerjini tez bərpa edə bilən güclü batareyaya sahibdir - 6000 mAh. Smartfon sürətli enerji yığmanı dəstəkləyir. 18 Vt adapter ilə sərf edilən enerji tez bir zamanda bərpa edilir. Dinamik həyat tərzini sevənlər üçün Xiaomi Redmi 9T ideal seçimdir.
Müasir smartfonlar kimi Redmi 9T Miracast dəstəkləyir. Onun vasitəsilə smartfonu televizora bağlamaq olur. Beləliklə telefonda olan şəkilləri və videoları birbaşa böyük ekranda baxa bilərsiniz.
Qiymət və keyfiyyət xüsusiyyətlərinə əsaslanaraq Redmi 9T alıcıların sevgisini qazanıb. Smartfonu Kontakt Home filiallarından ala bilərsiniz. Unutmayın ki, onlayn sifariş zamanı çatdırılma pulsuzdur.
