Samsung Galaxy A73 smartfonu sürətli Snapdragon 778G 5G prosessoru ilə təchiz edilib. 108 meqapikselli əsas kamera peşəkar keyfiyyətli şəkillər çəkir. Daxili yaddaş 256 GB-dır.

Seçilməyi sevirsinizsə Samsung Galaxy A73 Mint modeli sizin üçün ideal smartfon modeli olacaq. Smartfon böyük AMOLED displeyə və yüksək məhsuldarlığa sahibdir. 5000 mAh həcmli batareya ilə cihazın avtonom işləmə müddəti artırılıb.

Görünüş

Zərif yaşıl plastikdən hazırlanan korpus əldə etibarlı şəkildə yerləşir. Ön tərəfdən Galaxy A73 möhkəm şüşə ilə örtülüb. Korpus IP67 qorunma dərəcəsinə sahibdir. Smartfon su altında 30 dəqiqəyə qədər qala bilər. Gövdənin alt hissəsində əsas dinamik, mikrofon və USB Type-C yerləşir. Sağ tərəfdə səs və güc düymələri. Üst hissədə isə danışıq üçün ikinci mikrofon, dinamik, 2 ədəd nanoSIM və ya 1 nanoSIM + 1 microSD kart üçün slot mövcuddur. 

Super AMOLED Plus displey görüntünün parlaqlığı və detallığı ilə seçilir. Ekran tezliyi 120 Hz təşkil edir. Samsung Galaxy A73 ekranın üst hissəsində kamera üçün O-şəkilli kəsik var. Maksimal parlaqlıq 800 nit təşkil edir. Günəş işığı altında olsanız belə kontent rahat oxunur. Always On Display funksiyası dəstəklənir.  

Məhsuldarlıq və Avtonomluq 

Yeni Galaxy A73 sürəti ilə istifadəçilərini heyran edib. Güclü Snapdragon 778G 5G prosessoru sayəsində sərhədsiz imkanlara sahibsiniz. Yeni çip ağır tətbiqləri sürətli işə salır, kamera sisteminin keyfiyyətini artırır. Ekranı sürətli sürüşdürəndə, tətbiqlər arasında keçid edəndə görüntü donmur. Uzun müddət ərzində mobil oyun oynasanız belə smartfonun gövdəsi isinməyəcək və interfeys stabil işləməyə davam edəcəkdir.  

Batareyanın həcmi 5000 mAh təşkil edir. Bu isə o deməkdir ki, gün ərzində smartfonu bir neçə dəfə şarj etməyə ehtiyac qalmayacq. Prosessor enerjinin səmərəli sərf edilməsini təmin edir. Telefondan aktiv istifadə etsəniz belə günün sonunda batareyanın enerjisi 40%-dan aşağı olmayacaq. 25 Vt adapter ilə cihazı 1 saat ərzində 100% qədər şarj etmək mümkündür.  

Kamera bloku

Samsung Galaxy A73 kameralarına çəkilən şəkillər peşəkar keyfiyyətli alınır. Gündəlik istifadə üçün 108 meqapikselli əsas modul təqdim edilib. Onun köməkliyi ilə gün işığı altında və gecə zamanı aydın və parlaq şəkillər əldə edəcəksiniz. İstənilən vəziyyətdə ideal kadrın yaradılması üçün kamera blokuna 12 meqapikselli geniş bucaqlı, 5 meqapikselli makro kameralar, 5 meqapikselli dərinlik sensoru əlavə edilib.

Ön paneldə yerləşən 32 meqapikselli kamera həm keyfiyyətli selfilərin yaradılmasına, həm də üz tanıma sisteminin dəqiq işləməsinə cavabdehdir. Əlavə olaraq bu modul 4K keyfiyyətində videolar rayada bilir və stabilizasiyaya malikdir.