Samsung Galaxy A73 qiymeti ilə Kontakt.az saytında tanış olacaqsınız. 6.7” Super AMOLED Plus displey müasir oyunlar üçün yaradılıb. Snapdragon 778G prosessor geniş imkanlara sahibdir.
Nazik korpusa, böyük AMOLED displeyə, 108 meqapikselli kameraya sahib Samsung Galaxy A73 smartfonunu qarşılayın. Güclü prosessorun köməkliyi ilə smartfon tapşırıqlarınızı daha sürətli yerinə yetirəcək.
Görünüş
Galaxy A73 Gray rəngində təqdim edilib. Ön panel şüşə ilə örtülüb, arxa tərəf mat plastikdən hazırlanıb. Nəticədə, cihaz əlinizdə etibarlı şəkildə yerləşir və istifadə zamanı sürüşmür. Korpus IP67 qorunma dərəcəsinə sahibdir. Smartfon su altında 30 dəqiqəyə qədər qala bilər. Gövdənin alt hissəsində əsas dinamik, mikrofon və USB Type-C yerləşir. Sağ tərəfdə səs və güc düymələri. Üst hissədə isə danışıq üçün ikinci mikrofon, dinamik, 2 ədəd nanoSIM və ya 1 nanoSIM + 1 microSD kart üçün slot mövcuddur.
Böyük 6.7" düymlü Super AMOLED Plus displey yüksək baxış keyfiyyəti təqdim edir. 120 Hz ekran tezliyi və geniş rəng çalarları sayəsində mobil oyunların detallı qrafikası sizi təəccübləndirəcəkdir. Samsung Galaxy A73 ekranın üst hissəsində kamera üçün O-şəkilli kəsik var. Maksimal parlaqlıq 800 nit təşkil edir. Always On Display funksiyası dəstəklənir.
Məhsuldarlıq və Avtonomluq
Yeni Galaxy sürətli prosessorla təchiz edilib. Ekran donmur və bütün tətbiqlər bir neçə saniyə ərzində açılır. Ağır qrafikaya sahib oyunları və ya eyni anda bir neçə tətbiqi işə salsanız smartfonun gövdəsi isinməyəcək və interfeys stabil işləməyə davam edəcəkdir.
Prosessor enerjinin səmərəli sərf edilməsini təmin edir. Telefondan aktiv istifadə etsəniz belə günün sonunda batareyanın enerjisi 40%-dan aşağı olmayacaq. 25 Vt adapter ilə cihazı 1 saat ərzində 100% qədər şarj etmək mümkündür.
Kamera bloku
Ön paneldə selfilərinizin keyfiyyətinə cavabdeh olan 32 meqapikselli kamera yerləşir. Əlavə olaraq bu modulun köməkliyi ilə üz tanıma sisteminin düzgün və dəqiq işləməsi təmin edilir. Ön kamera 4K keyfiyyətində videolar rayada bilir və stabilizasiyaya malikdir. Arxa paneldə dördlü kamera bloku yerləşir. Əsas kamera 108 meqapiksellidir və optik stabilizasiya sayəsində sabit şəkillər çəkir. Bundan başqa bloka 12 meqapikselli geniş bucaqlı, 5 meqapikselli makro kameralar, 5 meqapikselli dərinlik sensoru daxildir.