Samsung Galaxy A33 48 mpx əsas və 13 mpx selfi kameralarına malikdir. Əlavə olaraq kamera blokuna 8 mpx geniş bucaqlı, 5 mpx makro kameralar və 2 mpx dərinlik sensoru daxildir.

Klassik rənglərdə olan smartfonlar sizin üçün darıxdırıcı gəlirsə narıncı rəngdə təqdim edilən Samsung Galaxy A33 modelində nəzər yetirin. Cihaz böyük Super AMOLED displeyə malikdir. Əsas kamera 48 meqapiksellidir və zəif işıq şəraitində belə ideal kadrlar yarada bilir. 

Görünüş və Displey 

Galaxy A33 Orange plastik korpusa sahibdir. IP67 standartı sayəsində smartfonun suya və toza davamlılığı artırılıb. Yan tərəfdə səs və güc düymələri, üst hissədə mikrofon, 2 nanoSIM və 1 microSD kart üçün slot mövcuddur. Altda əsas mikrofon, stereo dinamik və USB Type-C üçün giriş yerləşdirilib. 

6.4" düymlü Super AMOLED displey parlaqlığı ilə seçilir. Möhtəşəm görüntünün detallığı və canlılığı heyran edir. Ekran 90 Hz tezliyə malikdir. Üst hissədə danışıq dinamiki və 13 meqapikselli ön kamera yerləşir. Barmaq izi oxuyucusu displeyin daxilində quraşdırılıb. Skanerin işləməsi sürətli və dəqiqdir. Ekranın maksimal parlaqlığı 800 nitdir. Açıq hava şəraitində kontent rahat oxunur, videoları belə izləmək mümkündür. 

Prosessor və Batareya 

Smartfonun məhsuldarlığı Exynos 1280 prosessor sayəsində artırılıb. Prosessorun köməkliyi ilə Samsung Galaxy A33 həm gündəlik istifadə, həm detallı və parlaq qrafikaya malik oyunları oynadığınız zaman mükəmməl nəticə təqdim edir. İstifadə zamanı ekran donmur, sensor toxunuşlara çevik cavab verir. Operativ yaddaş 6 GB-dır. Bu da tətbiqlərin tez işə salınmasına kömək edir. Şəxsi informasiyanın saxlanılması üçün 128 GB yaddaş təqdim edilib. 

USB naqilləri və adapteri getdiyiniz yerə özünüzlə daşımaq lazım olmayacaq. 5000 mAh həcmli batareyanın enerjisi 2 gün istifadə üçün kifayət edir. Prosessorun effektivliyi sayəsində smartfonun enerjisi daha səmərəli sərf edilir. Şəkil və videolar çəksəniz, yaxınlarınızla video zəng vasitəsilə söhbət etsəniz belə günün sonunda batareyanın enerjisi 40%-dan çox olacaq. 25 Vt adapter vasitəsilə sərf edilən enerjini sürətli bərpa edəcəksiniz. Galaxy A33-ü 0%-dan 100% qədər bərpa etmək üçün 1 saat lazım olacaq.  

Kamera Bloku 

Parlaq şəkillərinizlə yaxınlarınızı təəccübləndirə bilməyiniz üçün Samsung öz smartfonunu güclü kamera bloku ilə təchiz edib. Arxa paneldə 48 meqapikselli əsas, 8 meqapikselli geniş bucaqlı, 5 meqapikselli makro kameralar və 2 meqapikselli dərinlik sensoru daxildir. Əsas kamera optik stabilizasiya ilə təchiz edilib və 4K keyfiyyətində videolar çəkə bilir. Gündüzləri parlaq və canlı fotolar, gecə zamanı isə aydın və yüksək detallı kadrlar əldə edəcəksiniz. Ön kamera FullHD rejimində stabilizasiya ilə videolar yaradır. Bu modula çəkilən selfiləriniz daha parlaq və keyfiyyətli alınacaq.