Samsung Galaxy A01 Core büdcəli smartfonlar kateqoriyasına aiddir. Arxa korpusu möhkəm plastikdən hazırlanıb, üzərində relyefli naxışlar var. Çəkisi cəmi 150 qramdır. Onun sayəsində cihaz əldə rahat yerləşir. Galaxy A01 mağazalarımızda qara, mavi və qırmızı rənglərdə təqdim edilib. Korpusun sağ tərəfində səs və güc düyməsi, sol tərəfdə isə 2 NanoSIM və 1 microSD kart üçün giriş yerləşdirilib. Alt hissədə microUSB, mikrofon, dinamik və 3.5 mm qulaqlıq üçün giriş mövcuddur.
Smartfon 5.7 düymlü PLS TFT ekrana və 1480 x 720 ekran həllinə sahibdir. 3000 mAh batareya tutumu sayəsində gün ərzində messengerlərdə yazışmaq, foto, video paylaşmaq və izləmək, social şəbəkələrdə dostlarınızla ünsiyyətdə olmaq, xəbər lentini oxumaq olar. Operativ yaddaş 1 GB, daxili yaddaş isə 16 GB-dır. Cihaz MediaTek MT6739 prosessoru üzərində işləyir. Onun sayəsində mobil tətbiqlər tez yüklənir, interfeysin işi sürətlidir və hətta oyun oynamaq belə mümkündür. Dinamiklərin və mikrofonun işi kifayət qədər keyfiyyətlidir, səs aydın ötürülür.
Arxa korpusda 8 meqapikselli əsas kamera yerləşdirilib. Onun vasitəsilə Galaxy A01 Core aydın və detallı şəkillər və FullHD formatında video çəkə bilir. Ön kamera 5 meqapiksellidir və displeyin üst sol hissəsində yerləşdirilib.
Samsung Galaxy A01 Core Kontakt Home mağazalarımızda mövcuddur. Smartfonu zəmanətlə nağd və ya hissə-hissə əldə edə bilərsiniz. Əlavə olaraq Kontakt.az onlayn mağazamızdan Galaxy A01 telefonunu çatdırılma ilə sifariş vermək olar.
