18 м 301,67 ₼
MacBook Pro 14 Space Gray rəngində təqdim edilib. Notbukda Apple M1 Pro prosessoru və parlaq Liquid Retina XDR displeyi quraşdırılıb. Operativ yaddaş 16 GB, SSD isə 1 TB-dır.
MacBook Pro 14 notbuku şəkil və videoların emalı, musiqinin redaktəsi, müxtəlif layihələrin yerinə yetirilməsi üçün nəzərdə tutulub. Yığcam ölçüləri və 1.6 kq çəkisi sayəsində cihaz asanlıqla çantanıza yerləşəcək.
Görünüş
MacBook Pro Space Gray rəngində təqdim edilib. Korpus yüksək keyfiyyətli alüminiumdan hazırlanıb. Notbuka lazım olan avadanlığı qoşa bilməyiniz üçün yan hissələrə xüsusi girişlər əlavə edilib. Sol tərəfdə MagSafe, 2 ədəd Thunderbolt 4 və 3.5 mm qulaqlıq üçün girişlər var. Sağ tərəfdə isə UHD II SD kart üçün slot, Thunderbolt 4 və HDMI 2.0 girişləri yerləşdirilib. Magic Keyboard ilə mətnləri sürətli yığmaq mümkündür. Klaviaturanın üst hissəsində Touch ID yerləşdirilib. Skaner barmaq izini müəyyənləşdirərək notbuku sürətli blokdan çıxara bilir.
Ekran və Səs
14” düymlü Liquid Retina XDR displeyi TrueTone texnologiyasını dəstəkləyir. Bu texnologiya rənglərin təbii və parlaq ötürülməsini təmin edir. Ekranın ölçüləri kimi parlaqlığı da artırılıb. Maksimal parlaqlıq 500 nit təşkil edir. HDR kontentin izlənilməsi zamanı isə parlaqlıq 1600 nitə qədər yüksəlir. Bundan başqa notbuk ProMotion texnologiyasını dəstəkləyir. 120 Hz ekran tezliyi ilə video və filmləri izləməkdən həzz alacaqsınız. Displeyin üst hissəsində yerləşdirilən kamera təkmilləşdirilib və görüntünü HD 1080 p keyfiyyətində ötürür. Yeni kamera ilə zəif işıq şəraitində belə həmsöhbətiniz sizi aydın görə biləcək.
MacBook Pro 14 modelində 6 ədəd Hi-Fi dinamiklərdən ibarət audio sistem quraşdırılıb. Nəticədə səs daha güclü və təmiz təsvir edilir. Cihaz Dolby Atmos texnologiyasını dəstəkləyir. 3 ədəd mikrofon sayəsində isə danışıq zamanı səsiniz aydın ötürüləcək. MacBook Pro 14-lə hətta podkast yazmaq mümkündür.
Məhsuldarlıq və Avtonomluq
Apple M1 Pro çipi ilə MacBook Pro 14 geniş imkanlara sahibdir. Yeni çip özündə 8 nüvəli mərkəzi prosessoru, 16 nüvəli qrafik prosessoru, Neural Engine maşın öyrənməsi texnologiyasını birləşdirir. M1 Pro bütün sistem proseslərini effektiv idarə edir və enerjinin sərf edilməsini optimallaşdırır.
Apple M1 Pro istənilən şəraitdə maksimal məhsuldarlığı təmin edir. FinalCut Pro kimi tətbiqlərdə çətinliyindən asılı olmayaraq videoların montajı daha sürətli olacaq. Eyni anda 20-dək tətbiqlərin açılmasına cəmi 52 saniyə vaxt tələb olunur. Yeni çipin köməkliyi ilə notbuk 7-10 saat intensiv iş rejimində işləməyə qadirdir. Operativ yaddaş 16 GB, SSD isə 1 TB təşkil edir.
