Macbook Air M1 prosessor üzərində işləyir. Notbuk 1.29 kr çəkisindədir və alüminium korpusa sahibdir. 13.3” düymlü Retina displey TrueTone texnologiyasını dəstəkləyir.

MacBook Air 13 modeli özündə sürətli Apple M1 çipini, 8 GB operativ yaddaşı, 256 GB SSD və parlaq Retina displeyi birləşdirir. Keyfiyyəti və imkanları sayəsində bu model alıcılar tərəfindən çox sevilir.

Görünüş və Ekran

Alüminium gövdəyə sahib MacBook Air 13 Gold rəngində təqdim edilib və premium görünüşə malikdir. Magic Keyboard klaviatura və Force Touch Trackpad sayəsində bütün vacib işlərinizi asanlıqla yerinə yetirəcəksiniz. Mətnlərlə və cədvəllərlə işləyirsinizsə bu model sizin üçün ideal seçim olacaq. Korpusun yan tərəflərində 2 ədəd Thunderbolt 3 və qulaqlıq üçün girişlər mövcuddur. Klaviaturanın yan hissələrində dinamiklər yerləşdirilib. Səs güclü və təmiz ötürülür. Beləliklə, işlərinizi tamamlayıb film izləyə bilərsiniz. Macbook 13 Touch ID dəstəkləyir. Barmaq izini skan edərək notbuku blokdan çıxara, Apple TV tətbiqində ödəniş edə bilərsiniz.

13.3” düymlü Retina displey şüşə ilə örtülüb. Displeyin əks parıltı xüsusiyyətləri sayəsində kontent gün işığı altında belə rahat oxunur. Rənglərin parlaqlığı görüntünün daha real və detallı təsvir edilməsini təmin edir. Geniş baxış bucağına sahib ekran sevdiyiniz videoları, ən yeni filmləri izləmək üçün ideal ölçülərə sahibdir. TrueTone texnologiyası işıqlandırmanı avtomatik olaraq ətrafınızdakı işıqlandırmaya əsasən dəyişir.

Displeyin üst hissəsində veb kamera yerləşdirilib. M1 çipinin köməkliyi ilə FaceTime vasitəsilə video zəng zamanı görüntü daha keyfiyyətli ötürülür. Neural Engine maşın öyrənmə sistemi sayəsində notbuk üz cizgilərinizi yaddaşda saxlayır və növbəti istifadə zamanı ətrafınızdakı işıqlandırmaya əsasən dərinizin tonunu təbii təsvir edir. 3 ədəd mikrofon sayəsində isə səsiniz aydın ötürüləcək.

Məhsuldarlıq

MacBook Air 13 notbukunun köməkliyi ilə daha çox iş yerinə yetirəcəksiniz. Müasir M1 çipi cihazın sürətini və məhsuldarlığını artırıb. Yeni çip enerjinin daha effektiv sərf edilməsini təmin edir. Beləliklə, bir neçə saat ərzində kafedə işləmək istəsəniz adapteri özünüzlə götürməyə ehtiyac qalmayacaq.

Yeni çip mərkəzi prosessoru 3.5 dəfə, qrafik prosessoru isə 5 dəfə sürətləndirib. Neural Engine maşın öyrənmə texnologiyası sürətini 9 dəfə artırıb. MacBook Air notbuku istənilən çətinlikdə tapşırıqların öhdəsindən asanlıqla gələ bilir.

Apple M1 çipinin köməkliyi ilə iPhone və iPad üçün tətbiqləri MacBook-da istifadə etmək mümkündür. Beləliklə, smartfonunuzda olan tətbiqləri notbuka yükləyib mobil oyunları oynaya, yemək sifariş verə, bank tətbiqlərindən istifadə edə bilərsiniz. Rosetta 2 texnologiyası ilə Intel prosessoru üçün nəzərdə tutulan tətbiqləri MacBook-da yükləmək və istifadə etmək olar.