Macbook Air premium kateqoriyalı notbuklara aiddir. Apple M1 çipi üzərində işləyir və 512 SSD-yə malikdir. 13.3” düymlü IPS displey rəngləri təbii ötürür.
Apple brendinin ən çox əldə edilən notbuk modeli daha sürətli və məhsuldar olub. MacBook Air 13 böyük həcmli SSD, güclü M1 prosessoru və Magic Keyboard klaviatura ilə təchiz edilib.
Görünüş və Ekran
Macbook Air 13 artıq klassik hesab edilən Silver rəngində mövcuddur. Korpus mat alüminiumdan hazırlanıb. Cihazın hissəsində 2 ədəd Thunderbolt 3, sağda isə qulaqlıq üçün giriş mövcuddur. Magic Keyboard klaviatura və Force Touch Trackpad sayəsində bütün işlərinizi çevik yerinə yetirəcəksiniz. Klaviatura işıqlandırmaya sahibdir. Beləliklə, qaranlıqda asanlıqla mətn yığmaq mümkündür. Böyük Trackpad toxunuşlara dəqiq cavab verir. Macbook 13 Touch ID dəstəkləyir. Barmaq izini skan edərək notbuku blokdan çıxara, Apple TV tətbiqində ödəniş edə bilərsiniz.
Yeni Macbook 13.3” düymlü Retina displeyə sahibdir. Ekran şüşə ilə örtülüb. Rənglər parlaq və dəqiq ötürülür. Nəticədə, görüntü daha real və detallı təsvir edilir. İstənilən mətnlər rahat oxunur. Geniş baxış bucağına sahib ekran sevdiyiniz videoları, ən yeni filmləri izləmək üçün ideal ölçülərə sahibdir. TrueTone texnologiyası işıqlandırmanı avtomatik olaraq ətrafınızdakı işıqlandırmaya əsasən dəyişir.
M1 çipi displeyin üst hissəsində yerləşən kameranın işini optimallaşdırıb. Beləliklə, FaceTime vasitəsilə video zəng zamanı görüntü daha keyfiyyətli ötürülür. Neural Engine maşın öyrənmə sistemi sayəsində notbuk üz cizgilərinizi yaddaşda saxlayır və növbəti istifadə zamanı ətrafınızdakı işıqlandırmaya əsasən dərinizin tonunu təbii təsvir edir. 3 ədəd mikrofon sayəsində isə səsiniz aydın ötürüləcək.
Məhsuldarlıq
Macbook Air M1 çipi üzərində işləyir. Apple M1 çipi məhsuldarlığı və geniş imkanları ilə seçilir. Onun köməkliyi ilə mərkəzi prosessor 3.5 dəfə, qrafik prosessor isə 5 dəfə daha sürətli işləyir. Neural Engine maşın öyrənmə texnologiyası sürətini 9 dəfə artırıb. Nəticədə, notbuk vasitəsilə 3D modelləşdirmə və çətin video montajlar etmək mümkündür. M1 Apple brendinin Mac üçün yaratdığı ilk çipdir. Yeni çipin quruluşu digər prosessorlardan fərqlidir. Burada mərkəzi və qrafik prosessorlar, Neuran Engine sistemi, Thunderbolt kontrolleri və digər vacib komponentlər birləşir. Nəticədə, komponentlər məlumatı öz aralarında sürətli ötürür. Nəticədə, notbuka istənilən tətbiqləri yükləyib şəkil və videoları redaktə edə, ağır qrafikaya sahib oyunları oynaya bilərsiniz.
Apple M1 çipinin effektivliyi sayəsində notbukun avtonom işləmə müddəti artırılıb. Yeni çip çətin tapşırıqları belə səmərəli yerinə yetirir. MacBook Air vasitəsilə film izləmək istəsəniz ekranın parlaqlığını 50% təyin edin. Bu rejimdə 16 saat ərzində fasiləsiz film və ya video izləyə biləcəksiniz. Adi istifadə zamanı isə bu müddət 18 saata qədər artırıla bilər. Bundan başqa, Macbook Air 13 modelində ventilyator yoxdur. Bu isə o deməkdir ki, cihaz tamamilə səssizdir.
