Evinizin mükəmməl təmizliyini təmin edib sizə uzun müddət xidmət edəcək bir tozsoran axtarırsınız? O zaman, Dyson brendinə üz tutun. Şirkətin istehsal etdiyi naqilsiz tozsoranlar təmizlik rutininizi çox asanlaşdıracaq. Unikal dizaynı və güclü parametrləri ilə dünyada tanınan Dyson SV17 Absolute Extra (V11 Absolute Extra) modeli alıcılarımız tərəfindən çox sevilir.

Tozsoran quru təmizləmə üçün nəzərdə tutulub və keyfiyyətli plastik, alüminiumdan hazırlanıb. Komplektasiyasına müxtəliv növ döşəmə üçün nəzərdə tutulan başlıqlar daxildir. Bu modelin fərqliliyi intellektual təmizliyi dəstəkləyən universal başlıqdır. Başlıq xüsusi skanerlər ilə təchiz edilib. Skanerlər təmizlik zamanı döşəmə növünü avtomatik olaraq müəyyənləşdirir. Daha sonra cihaz tələb olunan sovurma gücünü təyin edib işinə davam edir. Korpusda güc tənzimçisi və rəngli displey yerləşdirilib. İdarəetmə düyməsi vasitəsilə mövcud Eko, Orta və Turbo rejimlərindən birini seçə bilərsiniz. Displeydə istifadə edilən rejim, filtrin dolması barədə bildiriş və seçilmiş rejimdə təmizlik vaxtı göstərilir.

Dyson SV17 Absolute Extra modelinin işləmə müddəti daha da artırılıb. Cihaz artıq 1 saat ərzində dayanmadan işləyə bilir. Sərf edilən enerji isə cəmi 4 saat 30 dəqiqə ərzində bərpa edilir. Tozsoran 88 dB səs səviyyəsi ilə işləyir. Sovurma gücü 20% artırılıb və 220 Vt təşkil edir. Yüksək sovurma gücü, effektiv filtrasiya sistemi və yüksək fırlanma anına malik başlıq sayəsində tozsoran ən xırda qırıntıları belə asanlıqla tutur. 0.76 litr həcmli toz qabı evinizin tamamilə təmizlənməsi üçün kifayətdir.

Dyson SV17 Absolute Extra naqilsiz tozsoranın bütün imkanları ilə evinizdən çıxmadan tanış olmaq istəyirsiniz? O zaman Kontakt.az onlayn mağazamıza daxil olub “Canlı video məsləhətçi” düyməsinə basın. Mütəxəssisimiz videozəng vasitəsilə sizə tozsoranın funksiyalarını nümayış edib suallarınızı məmnuniyyətlə cavablayacaq. Üstəlik saytımız vasitəsilə Dyson SV17 Absolute Extra tozsoranını cəmi 1 klikə əldə edə bilərsiniz! Həm də qiymətə çatdırılma daxildir!