Şəxsi məşqçi, nəbzin, stress səviyyəsinin, qanda oksiqenin gündəlik izlənilməsi, kalori hesablayıcısı, yuxu trekeri yeni HUAWEI Band 6 ağıllı saatda birləşir. Sakura Pink rəngində təqdim edilən bu cihaz zərif xanımlar üçün ideal hədiyyə olacaq. Korpus möhkəm polimerdən hazırlanıb və ələ tam yatır. Nəticədə, arxa hissədə yerləşən sensorlar nəbzi və qanda oksiqen miqdarını daha dəqiq ölçə bilir. Kəmərin materialı silikondur. Saat sensorlu ekran və yan tərəfdə yerləşən düymə vasitəsilə idarə edilir. Korpus suya və toza qarşı davamlıdır.

İri 1.41" düymlü displeydə smartfonunuza gələn mesajları və bildirişləri asanlıqla oxuya bilərsiniz. Ekran cızıqlara davamlıdır və möhkəm şüşədən hazırlanıb. Rənglər parlaq və dəqiq ötürülür. Sensor toxunuşlara həssasdır və treker rahat idarə edilir. Şüşədə barmaq izlərinin əmələ gəlməsinin qarşısı oleofob örtüklə alınır. Cihazdan gün işığı altında istifadə edə biləcəksiniz – ekran əks parıltıya sahibdir.

Batareyanın enerjisi 240 saat ərzində istifadə üçün kifayətdir. Saatı qolunuza taxıb 2 həftəlik məzuniyyətə gedə bilərsiniz. Bu müddət ərzində adapter sizə lazım olmayacaq. Enerji sürətli bərpa edilir. 5 dəqiqə ərzində enerjini 0%-dan 20% qədər bərpa etmək olar. Bu isə trekerdən 2 gün istifadə deməkdir!

Cihaz Android 6.0, iOS 9.1 və yuxarı əməliyyat sistemi üzərində işləyən smartfonlara asanlıqla qoşula bilir. Smartfonunuza Huawei Health mobil tətbiqini yükləyib bütün vacib göstəriciləri izləyə və ya bəyəndiyiniz siferblatı qolbağa yükləyə biləcəksiniz. Tətbiqdə istənilən zövqə uyğun siferblat seçimi mövcuddur. Geyiminizə uyğun olan siferblatı seçib dəbli aksessuar əldə edəcəksiniz.

HUAWEI Band 6 ağıllı saat 96 məşq rejiminə sahibdir. Sağlam həyat tərzinə başlamaq və ya artıq çəkidən azad olmaq istəyirsinizsə bu qadcet sizin üçündür. “Məşqlər” bölməsinə daxil olub lazım olan rejimi seçməyiniz kifayətdir. Activity halqaları sayəsində hər gün hərəkətdə qalmağınız üçün əla motivasiya yaranır.