İstənilən mətbəxdə tez-tez qaynar su lazım olur. Belə hallarda elektrik çaydan sizin köməyinizə çata bilər. Keyfiyyətli və zərərsiz materiallardan hazırlanan Braun WK300 modeli sizə uzun illər etibarlı şəkildə xidmət edəcək. Digər modellərlə müqayisədə bu çaydan suyu 2 dəfə sürətli qaynadır – cəmi 45 saniyəyə 1 fincan çay üçün qaynar su əldə edəcəksiniz.

Cihazın qulpu əlinizdə rahat yerləşəcək. Mat plastik əldə sürüşmür, çaydan dolu olsa belə onu etibarlı şəkildə tuta biləcəksiniz. Qulpun üst hissəsində rahat istifadəni təmin etmək üçün cihazı işə salan və qapağı açan düymələr yerləşir. Cihazın tutumu 1.7 litrdir. Bu da 8 fincan isti çay üçün kifayət edir. Beləliklə, uzun günün sonunda ailənizlə söhbət etmək üçün masa arxasında yığılıb təzə dəmlənmiş çayın dadından zövq ala bilərsiniz.

Çaydan altlıq üzərində 360° fırlana bilir, qulpu sizə rahat olan şəkildə yerləşdirin. Korpusun yan hissələrində 2 ədəd simmetrik yerləşən su indikatorları mövcuddur. İndikatorların köməyi ilə çaydanın dolu olub-olmamasını rahat görə biləcəksiniz. Cihazı su ilə doldurmaq üçün hər dəfəsində qapağı açmağa ehtiyac yoxdu. Geniş burnu sayəsində suyu birbaşa dəlikdən əlavə edə bilərsiniz. 

İsinmə elementinin bağlı olması çaydanın təmizlənməsini asanlaşdırır. Braun WK300 ilə siz hər zaman təmiz sudan istifadə edəcəksiniz - cihaz ərpə qarşı neylon filtrla təchiz edilib. Əlavə olaraq çaydanda Auto-Off texnologiyası istifadə edilib. Onun sayəsində çaydan boş olanda, su qaynayanda, qapaq açıq olanda və ya çaydan altlıqdan götürülən kimi cihaz avtomatik olaraq söndürülür.