Apple brendinin notbukları geniş alıcı kütləsinə malikdir. Şirkətin təqdim etdiyi MacBook Air 13 modelləri yüksək məhsuldarlıq, uzun müddətli avtonomluq və keyfiyyətli materialları ilə seçilir.
Görünüş
Graphite Gray rəngində olan MacBook Air 13 premium kateqoriyalı notbuklara aiddir. Cihazın korpusu alüminium, ekranı isə şüşədən hazırlanıb. Oleofob örtük sayəsində ekranın üzərində barmaq izləriniz qalmayacaq. Korpusun yan hissələrində 2 ədəd USB Type-C və qulaqlıq üçün girişlər mövcuddur. Yeni Magic Keyboard klaviaturası işıqlandırma ilə təchiz edilib. Nəticədə, tamamlanmamış işləriniz qalsa cihazdan asanlıqla axşam istifadə edə biləcəksiniz. Force Touch Trackpad-in ölçüləri böyüdülüb. Bu da qrafikanın redaktəsi üçün daha geniş imkanlar yaradır. Klaviaturanın sağ və sol hissələrində dinamiklər yerləşdirilib. Səs güclü və təmiz ötürülür. Bütün işlərinizi tamamlayıb asanlıqla film izləyə bilərsiniz. Notbuk cəmi 1.29 kq çəkisindədir və yığcam ölçülərə malikdir. Onu asanlıqla getdiyiniz yerə özünüzlə apara biləcəksiniz.
Displey
2560 x 1600 görüntü imkanı sayəsində 13.3” düymlü Retina displey görüntünü parlaq və detallı ötürür. Əks parıltı xüsusiyyətləri sayəsində kontent həm gün işığı altında, həm qaranlıqla rahat oxunur. Geniş baxış bucağına sahib ekranın ölçüləri sevdiyiniz videoların, ən yeni filmlərin izlənilməsi üçün idealdır.
Ekranın üst hissəsində görüntünü aydın ötürən kamera yerləşdirilib. Beləliklə, istədiyiniz zaman onlayn iclas keçirə və ya yaxınlarınızla video zəng vasitəsilə söhbət edə biləcəksiniz. Korpusda yerləşdirilən 3 ədəd mikrofon sayəsində isə səsiniz aydın ötürüləcək.
Məhsuldarlıq
Core i3 prosessor ilə ağlasığmaz imkanlara sahib olacaqsınız. Notbuk vasitəsilə şəkilləri redaktə etmək, video montaj və çətin təqdimatları hazırlamaq mümkündür. 8 GB operativ yaddaş tapşırıqlarınızın sürətli yerinə yetirilməsində prosesora kömək edir. Günün sonunda tamamlanmayan işləriniz qalmayacaq - MacBook Air 13 notbukunun avtonom işləmə müddəti artırılıb. Vacib faylların saxlanılması, lazım olan tətbiqlərin və oyunların yüklənilməsi üçün 256 GB SSD təqdim edilib.
