Macbook Air 13 qiymeti ilə Kontakt az saytında tanış ola bilərsiniz. Notbuk premium kateqoriyasına aiddir və Gold rəngində təqdim edilib. Prosessor Intel Core i5-dir.

Sizə illər boyu xidmət edən, geniş funksionala və sürətə sahib olan notbuk axtarırsınız? Seçiminizi MacBook Air 13 modelində dayandırmağı məsləhət edirik. İmkanları və əlverişli qiyməti sayəsində bu cihaz istifadəçilərinin məmnuniyyətini qazanmağa davam edir.

Görünüş

Notbuk yüksək keyfiyyətli materiallardan hazırlanıb. Gövdənin materialı mat alüminiumdır. Yan hissələrdə 2 ədəd USB Type-C və qulaqlıq üçün girişlər mövcuddur. Yeni Magic Keyboard klaviaturası işıqlandırma ilə təchiz edilib. Nəticədə, tamamlanmamış işləriniz qalsa cihazdan asanlıqla axşam istifadə edə biləcəksiniz. Force Touch Trackpad-in ölçüləri böyüdülüb. Bu da qrafikanın redaktəsi üçün daha geniş imkanlar yaradır. Klaviaturanın sağ və sol hissələrində dinamiklər yerləşdirilib. Səs güclü və təmiz ötürülür. Bütün işlərinizi tamamlayıb asanlıqla film izləyə bilərsiniz.

Displey

Böyük displey hamar şüşə ilə örtülüb. Oleofob örtük ləkələrin və barmaq izlərinin əmələ gəlməsinin qarşısını alır. Əks parıltı xüsusiyyətləri sayəsində kontent günün istənilən vaxtı rahat oxunur. Rənglərin parlaqlığı görüntünün daha real və detallı təsvir edilməsini təmin edir. Geniş baxış bucağına sahib ekran sevdiyiniz videoları, ən yeni filmləri izləmək üçün ideal ölçülərə sahibdir.

Displeyin üst hissəsində yerləşdirilən kameranın keyfiyyəti artırılıb. Neural Engine maşın öyrənmə sistemi sayəsində notbuk üz cizgilərinizi yaddaşda saxlayır və növbəti istifadə zamanı ətrafınızdakı işıqlandırmaya əsasən dərinizin tonunu təbii təsvir edir. 3 ədəd mikrofon sayəsində isə səsiniz aydın ötürüləcək.

Məhsuldarlıq

MacBook Air 13 notbukunda Intel Core i5 prosessoru quraşdırılıb, bu da onu daha məhsuldar edib. Nəticədə, gündəlik işlərinizi daha sürətli yerinə yetirəcəksiniz. Şəkillərin, videoların redaktəsi, təqdimatların hazırlanması vaxtınızı çox almayacaq. Ən əsası isə, bütün tapşırıqlarınızı günün sonunadək tamamlaya biləcəksiniz. Çünki MacBook Air 13 notbukunun avtonom işləmə müddəti artırılıb. Cihaz 1.25 kq çəkiyə malikdir və çox yığcamdır. Beləliklə, onu şarj edib istənilən yerə özünüzlə apara biləcəksiniz.