Kontakt Home saytında iMac 2022 ilin ən çox əldə edilən monobloklar siyahısına daxildir. Çəhrayı rəngdə təqdim edilən cihaz alüminiumdan hazırlanıb. Monoblok Apple M1 çipinə malikdir.

İşiniz üçün keyfiyyətli kompüter əldə etmək istəyirsinizsə Apple iMac 24 sizin üçün ideal həll yolu olacaq. Yeni iMac daha yığcam olub və masada çox yer tutmayacaq. Monoblok zərif çəhrayı rəngdə təqdim edilib.

Görünüş

iMac 24 modelinin gövdəsi üçün təkrar emal edilmiş alüminiumdan istifadə edilib. Displey və ön panelin alt hissəsi tamamilə şüşə ilə örtülüb. Yan tərəfdə qulaqlıq üçün 3.5 mm jack girişi mövcuddur. Korpus altlığa şarnir vasitəsilə birləşdirilib. Ekranın duruşunu sizə rahat olan vəziyyətdə tənzimləmək olar. Arxa tərəfdə 2 ədəd USB 3 Type-C, 2 ədəd Thunderbolt 3 girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.48 kq çəkisindədir, onu hətta bir əllə asanlıqla qaldıra biləcəksiniz. Displeyin qalınlığı isə 11.5 mm təşkil edir.

Apple iMac 24 modeli güclü akustik sisteminə malikdir. 6 ədəd dinamiklər səsin Dolby Atmos keyfiyyətində ötürülməsini təmin edir. Sevdiyiniz musiqini dinləyəndə, film izləyəndə dərin “baslar”-dan həzz alacaqsınız.

Displey

Yeni iMac 24 modeli 24” düymlü Retina displeylə təchiz edilib. Görüntü 4.5K keyfiyyətində təsvir edir. Beləliklə, xırda detallar belə nəzərinizdən qaçmayacaq. Geniş rəng çalarları və True Tone texnologiyası sayəsində hər bir kadr daha real ötürülür. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

Ekranın üst hissəsində yerləşən kamera görüntünü 1080p keyfiyyətində ötürür. Neural Engine sistemi və M1 çipinin alqoritmləri ekspozisiyanı, ağ rəngin balansını təkmilləşdirərək görüntünün keyfiyyətini artırır. Nəticədə, video zəng zamanı hər zaman mükəmməl görünəcəksiniz. Cihazda 3 ədəd mikrofon yerləşdirilib. Beləliklə, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

iMac 24 M1 çipi ilə təchiz edilib. Çipin köməkliyi ilə monoblokun məhsuldarlığı artırılıb. Beləliklə, Neural Engine maşın öyrənmə sisteminin 3 dəfə, qrafik prosessorun sürəti isə 2 dəfə daha sürətli olub. Bütün sistem prosesləri çevik yerinə yetirilir. İstənilən tətbiqin açılmasına bir neçə saniyə vaxt sərf edilir.

M1 çipi çətin tapşırıqları effektiv həll edir. FinalCut 10, Xcode və s. kimi tətbiqlərdə işlədiyiniz zaman belə cihazın gövdəsi isinmir. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

Yeni iMac modeli iPhone və iPad üçün nəzərdə tutulan tətbiqləri asanlıqla işə salır. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.