Kontakt az saytında iMac 24 Silver rəngində mövcuddur. Monoblok M1 çipi üzərində işləyir. Operativ yaddaş 8 GB-dır. Ön tərəfdə 24” düymlü Retina displey yerləşir.

Minimalizm üslubunda olan texnikanı sevirsinizsə iMac 24 Silver diqqətinizi cəlb edəcək. Məhsuldarlığı və sürətli interfeysi ilə seçilən monoblok əldə etmək istəyirsinizsə seçiminizi bu modeldə dayandırmağı məsləhət edirik.

Görünüş

Gümüşü korpus alüminiumdan hazırlanıb. Yeni monoblok daha nazik və yığcam olub. Displeyin qalınlığı cəmi 11.5 mm-dir. Ön panel tamamilə şüşə ilə örtülüb və cızıqlara davamlıdır. Korpusun arxa tərəfində 2 ədəd USB 3 Type-C, 2 ədəd Thunderbolt girişləri, adapterin naqili üçün giriş və güc düyməsi yerləşdirilib. Adapterin naqili korpusa maqnit vasitəsilə birləşir. Monoblok cəmi 4.5 kq çəkisindədir, onu hətta bir əllə asanlıqla qaldıra biləcəksiniz.

Güclü səsi sevirsinizsə iMac 24 modelinin akustik sistemi sizi təəccübləndirə bilər. Korpusda yerləşdirilən 6 ədəd dinamiklər səsi Dolby Atmos keyfiyyətində ötürür. Sevdiyiniz musiqidən, yeni çıxan filmdən həzz ala bilməyiniz üçün monobloka əlavə dinamiklər birləşdirməyə ehtiyac yoxdur.

Displey

Parlaq displey 24” düymlüdür və görüntünü  yüksək keyfiyyətdə təsvir edir. Hamar keçidlər, inanılmaz detallıq heyran edir. iMac 24 True Tone texnologiyasını dəstəkləyir. Bu isə o deməkdir ki, görüntü daha təbii əks edilir. Ekranın parlaqlığı 500 nit təşkil edir. Əks parıltı örtüyü baxış keyfiyyətini artırır. Axşamlar vacib işlərinizi tamamlayanda və ya video izləyəndə diqqətiniz görüntüdən yayılmayacaq.

Video zənglər zamanı görüntünün keyfiyyətli ötürülməsi üçün iMac 24 daha güclü kamera ilə təchiz edilib. Beləliklə, yaxınlarınızla söhbət edəndə, onlayn iclas keçirəndə mükəmməl görünəcəksiniz. Cihazda 3 ədəd mikrofon yerləşdirilib, həmsöhbətiniz ətrafınızdakı səs-küyü yox sizi eşidəcək.

Məhsuldarlıq

Sözügedən modeldə Apple M1 çipindən istifadə edilib. Yeni çip bütün sistem proseslərini effektiv idarə edir. Nəticədə, iMac 24 çətin montajları belə sürətli yerinə yetirir. Ən əsası isə, saatlarla şəkillərin redaktəsi ilə məşğul olsanız belə monoblok isinməyəcək və soyutma sistemi işə salınmayacaq. Safari brauzerinin işi sürətləndirilib. Lazım olan məlumatı tapmaq üçün yüzlərlə pəncərə açsanız belə ekran donmayacaq.

MacOS əməliyyat sisteminin köməkliyi ilə iPhone və iPad üçün tətbiqləri iMac-da işə salmaq mümkün olub. iPhone ilə monobloku birləşdirərək smartfondakı kontenti böyük displeydə izləyə biləcəksiniz. Telefona gələn bütün mesajlar və zənglər monitorda əks olunacaq.