XXL ölçülü soyuducunu qarşılayın! Artıq böyük məclislər və böyük alış-verişlər üçün hər zaman hazırsınız. Bosch KGN86AI30U modelinin 682 litr toplam həcmi soyuducuya daha çox ərzaq yerləşdirə bilməyiniz üçün imkan yaradır. VitaFresh Plus təravət zonası sayəsində isə qidaların saxlama müddəti artırıldı. Cihaz gümüşü rəngdə təqdim edilib. Paslanmayan poladdan hazırlanan korpus Anti-Fingerprint örtüklə barmaq izlərindən və cızıqlardan qorunur. Soyuducu iki kameralıdır. Dondurucu kamerası aşağıda yerləşir.
VitaFresh konteynerləri soyuducuda iki müxtəlif təravət zonaları yaradır. Üst konteynerlər balıq və ət məhsulları üçün nəzərdə tutulub. Bu konteynerlərdə saxlanılan ət donmur və istifadə üçün hazırdır. Axşam yeməyi üçün lazım olan tikələri bu çəkməcələrə yerləşdirin. Alt hissədə olan iri konteynerlər meyvə və tərəvəzlərin təravəlti qalmasını təmin edir. Bu prosess konteynerlərin daxilində rütubət səviyyəsinin daha yüksək olması sayəsində mümkündür. Saxlanılan ərzaqlara əsasən rütubətin səviyyəsini tənzimləyə bilərsiniz. Nəticədə, Bosch soyuducusu ilə meyvə-tərəvəzlər faydalı mineralları və vitaminləri uzun müddət itirməyəcək.
Həftəlik ərzaq alış-verişi etmisiniz? O zaman, SuperCooling funksiyasını işə salmağı unutmayın. Bu funksiya vasitəsilə soyuducu kamerada temperatur sürətli aşağı salınır. Beləliklə aldığınız ərzaqları yerləşdirənə kimi soyuducuda saxlanılan qidalar xarab olmayacaq. Əlavə olaraq cihazın effektiv işini FreshSense detektorlar təmin edir. Detektorlar temperaturu mütəmadi olaraq ölçür və hər iki kamerada temperaturun stabil saxlanılmasını təmin edir. Soyutma prosesini Multi Air Flow texnologiyası yerinə yetirir. Soyuq hava axınları kamera daxilində daimi dövriyyə edərək hətta küncləri belə əhatə edir. Beləliklə, istənilən rəfdə yerləşən qida məhsulu təzə qalır.
Dondurucu kamerada belə ərzaqların rahat yerləşdirilməsi üçün hər şey düşünülüb. Cihazın VarioZone özəlliyi sayəsində ərzaqlarınızı sizə rahat olan şəkildə saxlayın. Kamerada yerləşən bütün konteynerləri çıxardıb yerinə şüşə rəflər yerləşdirmək olar. Bu rəflərə iki mərtəbəli tort rahat yerləşir. Dondurucunun qapısını açanda ilk növbədə diqqəti hündürlüyü 29 sm olan Big Box konteyneri cəlb edir. Onun daxilinə hətta 8 kq hindtoyuğu asanlıqla sığır.
Bosch KGN86AI30U modeli No Frost əritmə sisteminə sahibdir. Bu o deməkdir ki, soyuducunu təmizləmək üçün əlavə vaxt sərf etməyəcəksiniz. Çünki bu texnologiya kameralar daxilində buz əmələ gəlməsinin qarşısını alır. Əgər dondurucu və ya soyuducu kameralarından birini təmizləmək lazım olsa cihazı tamamilə cərəyandan ayırmağa ehtiyac yoxdur - soyuducu və dondurucu kameralar ayrı soyudulur.
