Müasir smart saatlar həm sağlam qalmağınız üçün motivasiya yaradır, həm də smartfonun bir çox funksiyalarını özündə birləşdirir. Keyfiyyəti və imkanları ilə seçilən HUAWEI WATCH FIT Elegant Edition modeli ölkəmizdə çox sevilib. Universal qara rəngdə təqdim edilən bu saat seçdiyiniz geyiminizi mükəmməl tamamlayacaq. Təqdim edilən geniş siferblat seçimi sayəsində isə saatınızı individual edə bilərsiniz.
Saatın korpusu paslanmayan poladdan hazırlanıb. Parlaq korpusun təzyiqə davamlılığı 5 ATM-dir. HUAWEI WATCH FIT Elegant Edition sudan və tozdan qorxmur. Kəmər keyfiyyətli silikondan hazırlanıb. Nəticədə qadcet qolda çox rahat hiss edilir. Ekranın materialı şüşədir, ləkələrin əmələ gəlməsindən onu oleofob örtük qoruyur. AMOLED ekran rəngləri parlaq ötürür. Ekranın ölçüləri vacib bildirişlərin oxunmasını asanlaşdırır. Görüntü günün istənilən vaxtı ideal təsvir edilir. Cihaz sensorlu ekran və korpusun sağ tərəfində yerləşən düymə ilə idarə edilir.
Saatı smartfona bağlamaq üçün rəsmi “Sağlamlıq” mobil tətbiqini yükləməlisiniz. Daha sonra tətbiqi işə salan kimi saat Bluetooth vasitəsilə smartfona qoşulacaq. Tətbiq vasitəsilə ekrana yeni siferblatlar yükləyə, fiziki fəaliyyətinizi izləyə, əməliyyat sistemini yeniləyə bilərsiniz.
WATCH FIT Elegant Edition ilə lazım olan məlumat, smartfonunuza gələn bildirişlər daim qolunuzdadır. Nəbziniz, qanda oksigen miqdarı, stress səviyyəsi, qadın təqvimi, hava proqnozu və s. məlumat üçün qolunuzu çevirməyiniz kifayətdir. Üstəlik, HUAWEI sizə inanılmaz avtonomluq təqdim edir. Beləliklə, WATCH FIT Elegant Edition əlavə enerji toplamadan 10 gün ərzində işləyə bilər! Cəmi 5 dəqiqə ərzində isə cihaz 1 gün istifadə üçün kifayət edən enerjini toplaya bilir. İnanılmaz nəticə!
Ən əsası: 11 idman növünə aid 96 növ məşqlər seçimi. Qaçış, yeriş, üzgüçülük, velosiped və s. Sevdiyiniz idman növünü seçib məşqlərinizə başlayın. Saat məşq vaxtını, nəbzinizi, sərf edilən kalori miqdarını mütəmadi olaraq ölçəcək. Daha sonra bütün nəticələri smartfonunuzda asanlıqla izləyə biləcəksiniz. WATCH FIT Elegant Edition gün ərzində aktiv qalmağınızı da təmin edir. Displeydə əks edilən 3 rəngli halqa hərəkətli olmağınızı motivasiya edir. Bu halqalar vasitəsilə gün ərzində addım sayı, aktiv olduğunuz vaxt, orta və yüksək aktivlik dövrünü izləmək olar.
