Samsung Galaxy A73 plastik korpusa malikdir. Smartfon White rəngində təqdim edilib və Android 12 əməliyyat sistemi üzərində işləyir. Əsas kamera 108 meqapiksellidir.
Yeni smartfon əldə etmək planlaşdırırsınızsa Samsung Galaxy A73 arzu etdiyiniz smartfon ola bilər. Cihazda gündəlik istifadə üçün lazım olan bütün funksiyalar mövcuddur. Güclü kamera bloku ilə istədiyiniz vaxt mükəmməl şəkillər yaradacaqsınız. Sürətli prosessor ilə ən çətin tapşırıqları belə asanlıqla həll edəcəksiniz.
Görünüş
Ağ korpusa malik smartfonları sevirsinizdə Galaxy A73 White sizin üçündür. Cihazın gövdəsi plastik və şüşədən hazırlanıb. Displey cızıqlara davamlıdır, IP67 qorunma dərəcəsi sayəsində smartfon sudan və tozdan qorxmur. Alt hissədə əsas dinamik, mikrofon və USB Type-C yerləşir. Sağ tərəfdə səs və güc düymələri. Üst hissədə isə danışıq üçün ikinci mikrofon, dinamik, 2 ədəd nanoSIM və ya 1 nanoSIM + 1 microSD kart üçün slot mövcuddur.
Super AMOLED Plus displeyin ölçüsü 6.7" düymə qədər artırılıb. Parlaq rəngləri və 120 Hz tezliyi ilə seçilən ekran yüksək baxış keyfiyyəti təqdim edir. Displeyin üst hissəsində kamera üçün O-şəkilli kəsik var. Maksimal parlaqlıq 800 nit təşkil edir. Günəş işığı altında olsanız belə kontent rahat oxunur. Always On Display funksiyası dəstəklənir.
Məhsuldarlıq və Avtonomluq
Gündəlik işlərinizi sürətli yerinə yetirə bilməyiniz üçün cihaza Snapdragon 778G 5G prosessoru yerləşdirilib. Yeni çip qrafikanın sürəti 82% qədər artırıb. Galaxy A73 ağır tətbiqləri sürətli işə salır, kamera sisteminin keyfiyyətini artırır. Ekranı sürətli sürüşdürəndə, tətbiqlər arasında keçid edəndə görüntü donmur. Uzun müddət ərzində mobil oyun oynasanız belə smartfonun gövdəsi isinməyəcək və interfeys stabil işləməyə davam edəcəkdir.
Batareyanın həcmi 5000 mAh-dır. Smartfonun enerjisi adi istifadə rejimində 2 gün ərzində tükənməyəcək. Əlavə olaraq prosessor enerjinin səmərəli sərf edilməsini təmin edir. Telefondan aktiv istifadə etsəniz belə günün sonunda batareyanın enerjisi 40%-dan aşağı olmayacaq. 25 Vt adapter ilə cihazı 1 saat ərzində 100% qədər şarj etmək mümkündür.
Kamera bloku
Daha keyfiyyətli şəkillərin əldə edilməsi üçün kamera modulları təkmilləşdirilib. Gündəlik istifadə üçün 108 meqapikselli əsas modul təqdim edilib. Onun köməkliyi ilə gün işığı altında və gecə zamanı aydın və parlaq şəkillər əldə edəcəksiniz. İstənilən vəziyyətdə ideal kadrın yaradılması üçün kamera blokuna 12 meqapikselli geniş bucaqlı, 5 meqapikselli makro kameralar, 5 meqapikselli dərinlik sensoru əlavə edilib.
Ön paneldə yerləşən 32 meqapikselli kamera həm keyfiyyətli selfilərin yaradılmasına, həm də üz tanıma sisteminin dəqiq işləməsinə cavabdehdir. Əlavə olaraq bu modul 4K keyfiyyətində videolar rayada bilir və stabilizasiyaya malikdir.