Müasir tozsoranların imkanları gündəlik təmizlik rutininizi asanlaşdırmağa yönləndirilib. Böyük güclə yanaşı rahat istifadəni təmin edən modellərə daha çox üstünlük verilir. Bu səbəbdən keyfiyyətli tozsoran əldə etməyi planlaşdırırsınızsa naqilsiz modellərə nəzər yetirməyinizi məsləhət edirik. Yüngül çəkisi, tutumlu konteyner, ən əsası, naqilin olmaması sayəsində Bosch BCS611P4A alıcılar tərəfindən çox sevilir. Unlimited Bosch tozsoranları arasında bu model ən yığcam ölçülərə sahibdir.
Cihazın korpusu möhkəm plastikdən hazırlanıb. Rəngi bozdur, mavi rəngdə olan dekorativ elementlər mövcuddur. Güc düyməsi tozsoranın qulpunda yerləşdirilib. Korpusun üst hissəsində Turbo rejimi və toz konteynerini tozsorandan ayıran düymələr var. Toz konteyneri asanlıqla təmizlənir. İstifadədən sonra konteyneri suyun altında yaxalayın.
Tozsoranda mövcud batareya Power for All 18V sisteminə aiddir və Bosch ev və bağ texnikasına uyğundur. Beləliklə, bir neçə texnika üçün bir batareya istifadə etmək imkanı kimi üstünlük əldə edəcəksiniz. Batareyanın tutumu 30 dəqiqə fasiləsiz təmizlik üçün kifayətdir. Bu da evinizin bütün otaqlarını effektiv təmizləyə bilməyiniz üçün yetərlidir. 4 saat ərzində batareyanın enerjisi tamamilə bərpa edilir. Başlıqları birbaşa cihaza birləşdirib onu əl tozsoranı kimi istifadə etmək olar. Bu zaman tozsoranın çəkisi cəmi 1.4 kq təşkil edəcək.
DigitalSpin mühərriki inanılmaz məhsuldarlıq təqdim edir. PowerBrush başlığı sayəsində isə istənilən döşəmə növündə mükəmməl təmizlik təmin edilir. Xüsusi ara üçün başlıq vasitəsilə əlçatmayan yerləri asanlıqla təmizləmək olur.
