HOFFMANN IWAC-12/DN kondisioneri 12000 BTU gücə malikdir. Daxili blokun səs səviyyəsi 39.5 dB-dir. HOFFMANN kondisioner soyutma və isitmə rejimlərində işləyir.
HOFFMANN IWAC-12/DN modelini qarşılayın. İqlim sistemi 30-40 m2 sahəli otaqlar üçün nəzərdə tutulub və isitmə, soyutma rejimlərində işləyir.
Dizayn
HOFFMANN kondisioner modeli ağ rəngdə təqdim edilib. Korpusun materialı plastikdir. Cihaz split sistemlər kateqoriyasına aiddir. Qurğunun 2 blokdan ibarət olması onun quraşdırılmasını asanlaşdırır. Daxili blokun eni 71.5 sm, hündürlüyü 28.5 sm təşkil edir. Yığcam ölçüləri sayəsində vizual olaraq otağı daha böyük göstərir. Xarici blokun quruluşu kondisionerin sakit işləməsini təmin edir. Nəticədə, qurğu cəmi 39.5 dB səs səviyyəsinə malikdir.
Məhsuldarlıq
HOFFMANN IWAC-12/DN invertor tipli mühərrik üzərində işləyir. Onun köməkliyi ilə təyin edilən temperaturun qorunması təmin edilir. Temperatur qeyd olunan səviyyəyə çatan kimi mühərrikin işi dayandırılır. Otaqdakı havanın temperaturu dəyişən kimi mühərrik yenidən işləməyə başlayır. Beləliklə, evinizdə optimal iqlim şərayəti yaradılır. Eyni zamanda elektrik enerjisi effektiv sərf edilir. Kondisionerin A enerjiistifadə sinfinə aid olması bunun göstəricisidir.
Split sistem soyutma, isitmə rejimləri ilə yanaşı qurutma, ventilyasiya və taymer funksiyalarına sahibdir. Otaqdakı havanın rütubət səviyyəsi normadan çox olanda bu funksiya sizin üçün çox faydalı olacaq. Qısa müddət ərzində cihaz artıq nəmi aradan qaldıracaq.
Qış aylarında isti hava tavanda yığılır. Ventilyasiya funksiyasını işə salaraq isti havanın otaq boyunca bərabər paylanmasını təmin etmək olar. Bu funksiya işə salınanda isitmə və soyutma rejimlərinin işləməsi dayandırılır.
HOFFMANN kondisioner modelinin avtomatik işə salınması və ya sönməsi üçün sistemə taymer əlavə edilib. Yatmağa hazırlaşanda lazım olan vaxtı idarəetmə pultuna daxil edin və təyin etdiyiniz zaman cihazın işi dayandırılacaq.
