Kontakt Home iPhone 13 Pro Max imkanları ilə sizi tanış edir. iPhone 128 GB yaddaşa, A15 Bionic çipinə sahibdir. Smartfon iOS 15 əməliyyat sistemi üzərində işləyir.

Sizə illər boyu xidmət edən, yüksək məhsuldarlığa və güclü kameralara sahib smartfon əldə etmək istəyirsinizdə iPhone 13 Pro Max Sierre Blue modelinə nəzər yetirin. Apple brendinin yeni A15 Bionic çipi cihazın sürətini və funksionallığını artırdı.

Görünüş və Ekran

iPhone 13 Pro Max unikal Sierre Blue rəngində təqdim edilib. Bu rəngi əldə etmək üçün Apple brendi yeni texnologiyalardan istifadə edib. Metal-keramika örtüyü arxa panelə nazik laylarla yerləşdirilir. Beləliklə, arxa panel daha möhkəm olub və mükəmməl rəngə sahibdir. Ön panel innovativ Ceramic Shield materialı ilə örtülüb. Bu material sayəsində ekran hətta güclü zərbələrə davamlı olub.

6.7 düymlü OLED displey rəngləri 20% daha parlaq ötürür. Günün istənilən vaxtı rahat film izləyə və ya məqalə oxuya biləcəksiniz. 120 Hz qədər artan ekran tezliyi hamar keçidlər təmin edir və görüntünün keyfiyyətini artırır. Smartfonun gövdəsi sudan qorxmur. IP68 qorunma dərəcəsi sayəsində iPhone 13 Pro Max güclü su damcılarına belə davamlıdır.

Məhsuldarlıq və Avtonomluq

Yeni smartfonun məhsuldarlığı Apple A15 Bionic çipindən asılıdır. A15 çipinin köməkliyi ilə ağır qrafikaya sahib oyunları oynaya, şəkil və videolarınıza unikal effektlər əlavə edə, istənilən tapşırıqları sürətli yerinə yetirəcəksiniz. Bundan başqa çip üz tanıma və Neural Engine sistemlərinin işini təkmilləşdirib. Smartfon 128 GB daxili yaddaşla təmin edilib və iOS 15 əməliyyat sistemi üzərində işləyir.

iPhone 13 Pro Max smartfonunun avtonom işləmə müddəti artıb. 4352 mAh tutumlu batareyanın enerjisi adi istifadə zamanı növbəti günə qədər kifayət edir. Bu model aktiv istifadə üçün yaradılıb.

Kameralar

iPhone 13 Pro Max modelinin kamera sistemi peşəkar fotoapparatın imkanlarına sahibdir. Böyüdülmüş kamera modulları daha çox işıq və detallar tuta bilir. Optik stabilləşmə və hərəkət edən matris görüntünün sabitliyini təmin edir. 77 mm telefoto kamera vasitəsilə makro rejimdə foto və video çəkiliş edə biləcəksiniz. Ultra geniş bucaqlı kamera avtofokusa sahibdir və obyektdən 2 sm aralıqda detallı kadrlar yaradır. Daha çox detallar üçün Deep Fusion texnologiyası mövcuddur. Bu texnologiya istənilən teksturu asanlıqla əks etdirir.

Dostlarınız və ya əzizlərinizlə tez-tez şəkil çəkirsinizsə "Smart HDR 4" rejimini bəyənəcəksiniz. Bu rejim kadrda olan hər bir nəfər üçün parlaqlıq, dəri tonunu və kontrastı individual tənzimləyir. Nəticədə, şəkilləriniz parlaq və təbii alınacaq.

Video çəkiliş prosesini daha peşəkar edən "Kinoeffekt" rejimini qarşılayın. Onun köməkliyi ilə sənət əsərləri yaradacaqsınız. Çəkiliş zamanı arxa fona bulanıq effekti tətbiq edilir. Bu zaman fokus bir obyektdə cəmlənir. Kadra ikinci obyekt düşən kimi fokus avtomatik olaraq yeni obyektə yönləndirilir. Bu üsul bədii filmlərdə tez-tez istifadə edilir.