Redmi 10C qiymeti ilə alıcılar tərəfindən sevilir. Smartfon 64 GB yaddaşa malikdir. 6.71” düymlü IPS LCD ekran görüntünü keyfiyyətli təsvir edir. Əsas kamera 50 meqapiksellidir.
Müasir görünüşə, funksionallığa sahib və eyni zamanda büdcə dostu olan smartfon axtarırsınızsa Xiaomi Redmi 10C 4/64GB modelinə nəzər yetirməyi məsləhət edirik.
Görünüş
Redmi 10 C modeli Graphite rəngində təqdim edilib. Korpusun materialı plastikdir. Relyefli arxa panel sayəsində istifadə zamanı smartfon əlinizdən sürüşməyəcək. Cihaz böyüdülmüş kamera bloku ilə seçilir. Kameralar və fləşnən yanaşı bloka barmaq izi skaneri yerləşdirilib. Skaner dəqiq işləyir, ekranı blokdan çıxarmaq üçün bir neçə saniyə vaxtınız tələb olunacaq. Gövdənin üst hissəsində 3.5 mm Mini Jack girişi var. Alt hissədə dinamik, USB Type-C və mikrofon yerləşdirilib. Yan tərəfdə 2 nanoSIM və 1 microSD kart üçün slot var.
Ekran 6.71” düymlüdür və görüntünü keyfiyyətli ötürür. Böyük IPS LCD displey 60 Hz ekran tezliyinə malikdir. Elektron kitabları rahat oxuya bilməyiniz üçün “Read” rejimi mövcuddur. İnterfeys üçün açıq və tünd rejimlər əlavə edilib. Bundan başqa, interfeysin şriftini dəyişmək olar.
Məhsuldarlıq
Xiaomi Redmi 10 C modelində Snapdragon 680 4G prosessorundan istifadə edilib. Nəticədə, ekran donmur, tətbiqlər sürətli yüklənilir. Cihazda müasir oyunları belə oynaya biləcəksiniz. Bütün animasiyalar və qrafika mükəmməl təsvir edilir. Smartfon 4 GB operativ yaddaşa malikdir. Daxili yaddaş isə 64 GB təşkil edir.
Batareyanın həcmi 5000 mAh-dır. Onun enerjisi 19 saat video izləmək və ya 11 saat oyun oynamaq üçün kifayət edir. Smartfon sürətli enerji yığmanı dəstəkləyir. 18 Vt adapterin köməkliyi ilə sərf edilən enerjini qısa müddət ərzində bərpa edəcəksiniz.
Kamera bloku
Arxa paneldə 50 meqapikselli əsas kamera və 2 meqapikselli dərinlik sensoru yerləşdirilib. Ön paneldə 5 meqapikselli selfi kamera mövcuddur. Redmi 10 C Full HD keyfiyyətində və Slow Motion rejimində videolar yarada bilir. Rəqəmsal stabilizasiya və zoom mövcuddur. Zəif işiq şəraitində aydın şəkillər yarada bilməyiniz üçün “Gecə” rejimi mövcuddur.
