Ütü masasını yeniləməyin vaxtı gəlibsə keyfiyyətli materiallardan hazırlanan modellərə nəzər yetirməyi məsləhət edirik. Braun IB3001BK modeli möhkəm metaldan hazırlanıb - masa aktiv istifadələrə belə dözümlüdür. Ütü üçün altlıq böyük ölçülərə sahibdir. Nəticədə, altlıqda hətta buxar generatorunu rahat yerləşdirmək olar.

Ütüləmək üçün nəzərdə tutulan sahə metal tor şəklindədir. Geyimləri buxarla ütülədiyiniz zaman buxar asanlıqla alt hissədən çıxır və parça daha yaxşı ütülənir. Masanın səthi 100% pambıq parça ilə örtülüb. Beləliklə isti ütü ilə təmasdan sonra örtük öz görünüşünü itirməyəcək. Masanın eni 40 sm, uzunluğu isə 122 sm-dir. Şalvarları, uzun donları, hətta pərdələri asanlıqla ütüləyə biləcəksiniz.

Braun IB3001BK modeli döşəmədə etibarlı şəkildə durur - ayaqların alt hissəsi relyefli rezinlə örtülüb. Ütü masasının hündürlüyünü tənzimləmək olar. Bunun üçün masanın altında xüsusi qulp yerləşir. Geyimlərinizi həm ayaq üstə, həm oturaq vəziyyətdə rahat ütüləyə biləcəksiniz.