Evinizin keyfiyyətli təmizlənməsini əsini istəyirsinizsə tozsoran seçiminə məsuliyyətli yanaşmalısınız. Philips Fc9732/01 modeli güclü parametrləri və məhsuldarlığı sayəsində istifadəçilərinin etibarını qazanıb. Cihazın 470 Vt sovurma gücü döşəməni toz və xırda qırıntılardan təmizləyir. Hər istifadədə ideal təmizlik əldə edəcəksiniz.

PowerCyclone 8 texnologiyası kamerada güclü hava burulğanları yaradır. Sürətli hava axını tozu və hətta iri tullantıları ayırıb toz qabına yönəldir. Toz qabına düşən zibil konteynerdən kənara çıxmır. Bu da Allergy Lock sistemi tərəfindən təmin edilir. Sözügedən sistem istifadədən öncə cihazın bütün hissələrinin düzgün yerləşməsini və germetikliyin yaradılmasını yoxlayır. Nəticədə istifadə zamanı toz və məişət allergenləri toz qabında qalır. Allergy H13 filtrasiya sistemi isə 99.9% xırda toz hissəciklərini tuta bilir. Allergiyası olan insanlar üçün bu model çox əlverişlidir.

TriActive+ başlığı istənilən döşəmə növünün mükəmməl təmizlənməsini təmin edir. Bütün tullantılar ön hissədə olan dəlikdən sovrulur. Altlıq isə xalçanı, laminatı, metlaxı tozdan təmizləyir. Xüsusi quruluş hətta künclərin təmizlənməsini asanlaşdırır. Toz üçün başlıq tozsoranın qulpuna quraşdırılıb. Mebeli və ya divanı tozdan təmizləmək üçün borunu çıxartmağınız kifayətdir. Əlavə olaraq komplektasiyaya kiçik başlıq və ara başlığı daxildir.

Korpus keyfiyyətli plastikdən hazırlanıb. Arxa hissədə başlıqların saxlanılması üçün yer mövcuddur. Tutacağın üzərində yerləşən düymələr vasitəsilə sovurma gücünü çoxalda və azalda bilərsiniz. Toz üçün konteyner rahat təmizlənir. Konteyneri boşaldıb onu su axını altında yaxalamağınız kifayətdir.