Gree GWH24AGD-K6DNA1C kondisioneri 24000 BTU gücə və 70-80 m2 təsir sahəsinə malikdir. Soyuducu maye R32-dir. Kontakt Home kondisioner üçün əlverişli qiymət təklif edir.
Təqdim edilən Gree kondisioner modeli böyük sahələr üçün nəzərdə tutulub. Eyni anda bir neçə otağın isidilməsi və ya soyudulması üçün kondisioner axtarırsınızsa seçiminizi Gree GWH24AGD-K6DNA1C iqlim sistemində dayandırın.
Görünüş
Daxili blokun gövdəsi yüksək keyfiyyətli plastikdən hazırlanıb. Sadə dizaynı və universal ağ rəngi sayəsində cihaz evinizin görünüşündən seçilməyəcək. Bütün split sistemləri kimi Gree GWH24AGD-K6DNA1C iki blokdan ibarətdir. Daxili blok yığcamlığı ilə seçilir və cihazın 46 dB səs səviyyəsi ilə işləməsini təmin edir.
İşləmə rejimləri
Kondisioner Gree 24000 BTU gücə malikdir. Bu da 70-80 m2 səhənin qısa müddət ərzində isidilməsi və ya soyudulması üçün kifayət edir. İqlim sistemində təhlükəsiz R32 freonundan istifadə edilib. Mühərrik inventer tiplidir və elektrik enerjisinin 30-40% daha qənaətli sərf edilməsini təmin edir. Nəticədə, sözügedən model A++ enerjiistifadə sinfinə aid olub. Əlavə olaraq Gree GWH24AGD-K6DNA1C havanı lazım olan dərəcəyə qədər daha sürətli soyuda və isidə bilir.
Split sistemin imkanları bununla bitmir. Evinizdə rahat iqlim şəraitinin yaradılması üçün cihazda əlavə funksiyalar mövcuddur:
- I feel funksiyası. Bu funksiya ətrafınızda olan hava dərəcəsinin təyin edilən dəyəcə ilə uyğun olmasını təmin edir. İdarə etmə pultuna əlavə edilən sensorun köməkliyi ilə onun ətrafında olan havanın dərəcəsini mütəmadi olaraq ölçülür. Daha sonra əldə edilən məlumat kondisionerin daxili blokuna ötürülür. Beləliklə, oturduğunuz yerdə optimal hava şəraitini yaratmaq üçün sadəcə idarəetmə pultunu yanınızda saxlamalısınız.
- Ventilyasiya funksiyası. Əsasən qış ayları üçün nəzərdə tutulub və tavanda yığılan isti havanın otaq boyunca bərabər paylanılmasını təmin edir.
- Qurutma. Havanın rütubət səviyyəsi normadan yuxarıdırsa bu funksiyanı işə salın. Qurutma ilə qısa müddət ərzində optimal iqlim şəraiti yarada biləcəksiniz.
- Taymer. Kondisionerin təyin edilən vaxtda yanmasına və ya sönməsinə cavabdehdir.
