Evinizi sürətli isitmək istəyirsinizsə split sisteminin əldə edilməsi sizin üçün əlverişli seçim olacaq. 18000 BTU gücə sahib Mitsubishi SRK50ZSP/SRC50ZSP-W(R32) modeli mənzillərdə və kiçik ofislərdə istifadə üçün nəzərdə tutulub. Ağ korpus möhkəm plastikdən hazırlanıb. Cihazın sadə dizaynı otağınızın görünüşünə asanlıqla uyğunlaşır.

Mitsubishi kondisioneri iki blokdan ibarətdir. Bu da onun quraşdırılmasını daha rahat edir. Xarici blokun xususi quruluşuna görə cihaz çox sakitdir. İntensiv soyutma və ya isitmə rejimləri seçilsə belə onun səs səviyyəsi cəmi 42 dB təşkil edir. Beləliklə, gecə zamanı kondisionerin işləməsi yuxunuza mane etməyəcək. Əsas rejimlərlə yanaşı cihazda ventilyasiya və qurutma mövcuddur. Qışda tavanda yığılan isti hava ventilyasiya rejimi vasitəsilə otaq boyunca dövriyyə etməyə başlayır. Nəticədə isitmə rejimindən istifadə etmədən havanın temperaturu qalxır. Qurutma rejimi isə otaqda optimal rütubət səviyyəsinin saxlanılmasına kömək edəcək. Soyutma rejiminin keyfiyyətinə R32 soyuducu maye cavabdehdir. Onun sayəsində kondisioner 50 m2 sahəni sürətli soyuda bilir. Sözügedən freon insan sağlamlığına ziyan deyil və bütün Avropa ekoloji standartlarına cavab verir.

Mitsubishi kondisioneri inverter tipli split sistemlər kateqoriyasına aiddir. Cihaz otaqdakı hava temperaturunu mütəmadi olaraq ölçür. Təyin edilən dərəcəyə qədər çatmaq üçün lazım olan güc avtomatik müəyyənləşdirilir. Havanın temperaturu istənilən dərəcəyə çatan kimi kompressor aşağı güc səviyyəsi ilə işləməyə davam edir. Nəticədə təyin edilən dərəcə stabil saxlanılır və elektrik enerjisi səmərəli sərf edilir. Cihazın A++ enerjiistifadə sinfinə aid olması bunun göstəricisidir.