İlin istənilən fəsli evinizdə rahat iqlim şəraitinin yaradılması üçün düzgün kondisioner seçimi çox vacibdir. Hoffmann brendinin iqlim sistemləri münasib qiymətləri və keyfiyyəti sayəsində alıcılarımız tərəfindən çox sevilir. HOFFMANN IWAC-18/DN modeli inverter tipli split sistemlər kateqoriyasına aiddir. Kondisioner 18000 BTU gücə sahibdir və 50-60 m² sahəli otağın tez soyudması və isitməsi üçün nəzərdə tutulub.
Kondisioner iki blokdan ibarətdir və çox asan quraşdırılır. Bu səbəbdən həm ev, həm də ofis sahələri üçün istifadə edilir. Daxili blok möhkəm plastikdən hazırlanıb. Universal ağ rəngi sayəsində interyerinizə tam uyğunlaşır. Ölçüləri 30 x 96 x 21 sm-dir. Xarici blokun xüsusi quruluşu cihazın səssiz işləməsini təmin edir. Onun səs səviyyəsi cəmi 41 dB-dir. Blokun ölçüləri 55 x 77 x 30 sm-dir.
Cihazın əsas iş rejimləri isitmə və soyutmadır. Soyutma rejiminin işi soyuducu maye sayəsində təmin edilir. HOFFMANN IWAC-18/DN modelində insan sağlamlığı üçün tamamilə təhlükəsiz olan R410A soyuducu maye istifadə edilir. Əlavə olaraq iqlim sistemi ventilyasiya, qurutma rejimi və taymer ilə təchiz edilib. Ventilyasiya sayəsində tavanda yığılan isti və soyuq hava otaq boyunca bərabər paylanılır. Qurutma rejimi yüksək rütubət səviyyəsində istifadə edilir. Havada olan artıq nəmi effektiv aradan qaldırır. Taymer vasitəsilə kondisionerin avtomatik yanma və sönmə vaxtını təyin edin.
Bundan başqa cihaz Wi-Fi dəstəkləyir. Smartfonunuza xüsusi proqram yükləyib iqlim sistemini istədiyiniz yerdən idarə edə bilərsiniz. Kondisioner A enerjiistifadə sisteminə aiddir. Bu da enerjinin səmərəli istifadəsinin göstəricisidir.
Seçim etməkdə çətinlik çəkirsinizsə istənilən Kontakt Home filialına gəlin, və ya Kontakt.az onlayn mağazamıza daxil olun. Büdcənizə uyğun və tələblərinizə cavab verən iqlim sistemini asan tapa biləcəksiniz.
