Phone 13 Pro Max Silver rəngində mövcuddur. Korpus IP68 qorunma dərəcəsinə malikdir. Daxili yaddaş 256 GB, operativ yaddaş isə 6 GB təşkil edir. Əməliyyat sistemi iOS 15-dir.

iPhone 13 Pro Max böyük OLED ekranla təchiz edilib. Silver rəngində təqdim edilən smartfon sadə görünüşü sevənlərin seçimidir. Apple A15 Bionic çipi cihazın sürətini və imkanlarını artırıb.

Görünüş və Ekran

13-cü Pro Max premium görünüşü ilə seçilir. Keyfiyyətli materiallardan hazırlanan smartfon IP68 qorunma dərəcəsinə malikdir. Nəticədə, gövdə hətta güclü yağışa davamlıdır. Yan çərçivə paslanmayan poladdan hazırlanıb. Arxa və ön panellərin materialı möhkəm şüşədir. Ön panel cızıqlardan Ceramic Shield materialı ilə qorunur. Apple şirkətinin yaratdığı bu innovativ material ekranın zərbələrə davamlılığını 4 qat artırıb. 

6.7" düymlü OLED displey parlaq rəngləri ilə heyran edir. İşıqlandırmadan asılı olmayaraq görüntü təbii və detallı ötürülür. İlk dəfə olaraq bu modeldə ProMotion texnologiyası istifadə edilib. İzlədiyiniz kontentdən asılı olaraq ekran tezliyi avtomatik olaraq 10-120 Hz arası dəyişir. Görüntü üçün yüksək detallıq lazım olanda tezlik 120 Hz qədər qaldırılır. Smartfonu adi rejimdə istifadə etdiyiniz zaman isə ekran tezliyi azalır. Nəticədə, smartfon enerjini daha səmərəli sərf edir.

Məhsuldarlıq və Avtonomluq

Smartfonda A15 Bionic çipi quraşdırılıb. Yeni çip smartfonu effektiv idarə edərək onun məhsuldarlığını artırıb. 6 nüvəli mərkəzi prosessor sistem proseslərini, enerjinin sərf edilməsini, kamera və üz tanıma sistemlərinin işini optimallaşdırır. 5 nüvəli qrafik prosessor sayəsində yeni Pro Max digər smartfonlarla müqayisədə qrafikanı 50% daha sürətli emal edir. iOS 15 əməliyyat sistemi interfeysin stabilliyini və çevikliyini təmin edir. Sözügedən model iPhone modelləri arasında ən böyük daxili yaddaşa sahibdir. Şəxsi məlumatın saxlanılması üçün 256 GB yaddaş ayrılıb.

Yeni Pro Max modelinin batareyası 4352 mAh qədər artırılıb. Aktiv istifadə üçün belə smartfonu gün ərzində bir dəfə şarj etməyiniz kifayətdir. Cihazın enerjisi 95 saatadək fasiləsiz musiqi dinləmək üçün kifayət edir.

Kameralar

iPhone 13 Pro Max şəkillərin və videoların keyfiyyəti ilə seçilir. Kamera blokunda yerləşən modulların ölçüləri böyüdülüb. Yeni çipin köməkliyi ilə kameraların keyfiyyəti artırılıb. 77 mm telefoto kamera 3X optik zoom-a sahibdir. Bu xüsusiyyət sayəsində makro rejimdə çəkiliş etmək olar. Beləliklə, cihaza əlavə makro kamera yerləşdirməyə ehtiyac qalmır. 12 meqapikselli ultra geniş bucaqlı kamera avtofokusa sahibdir. Avtofokusun köməkliyi ilə smartfonu çəkiliş obyektindən 2 sm aralıqda tutsanız belə yüksək detallığa sahib kadrlar əldə edəcəksiniz.

Smartfonun köməkliyi ilə mükəmməl qrup şəkilləri yaradacaqsınız. “Smart HDR 4” rejimi ilə obyektivə düşən hər bir nəfər üçün parlaqlıq və kontrast individual olaraq tənzimlənir. Dəri tonu isə təbii qalır. Nəticədə, daha keyfiyyətli kadrlar əldə edilir.

Apple-dan daha bir yenilik – “Kinoeffekt” rejimi. Bu rejim vasitəsilə iPhone 13 Pro Max smartfonuna film çəkmək mümkündür. A15 çipinin alqoritmləri çəkiliş zamanı arxa fona bulanıq effekti tətbiq edir. Bu zaman fokus bir obyektdə cəmlənir. Kadra ikinci obyekt düşən kimi fokus avtomatik olaraq yeni obyektə yönləndirilir. Obyektivin yenilənmiş dizaynı sayəsində ultra geniş kamera makro rejimdə bənzərsiz videolar yarada bilir.