iPhone 13 Pro böyük OLED displey, 3125 mAh qədər artırılmış batareya və peşəkar kamera sistemi ilə təchiz edilib. Məlumatın saxlanılması üçün 512 GB yaddaş təqdim edilib.

iPhone 13 Pro 2021-ci ilin ən çox gözlənilən smartfon modellərindən biridir. Apple A15 Bionic çipi ilə təchiz edilən cihaz özündə peşəkar fotoaparatın imkanlarını və müasir kompüterin məhsuldarlığını birləşdirir.

Görünüş və Ekran

Sözügedən model artıq klassik hesab edilən Graphite rəngində təqdim edilib. Korpus IP68 qorunma dərəcəsinə malikdir və suya davamlıdır. Arxa panel möhkəmləndirilmiş şüşədən, ön panel isə Ceramic Shield materialından hazırlanıb. 6.1 düymlü Super Retina XDR displey ProMotion texnologiyasının işini dəstəkləyir. Günün istənilən vaxtı və ətrafınızdakı işıqlandırmadan asılı olmayaraq parlaq, detallı görüntü ilə təmin ediləcəksiniz. Displeyin üst hissəsində "bangs" hissəsi daha yığcam olub. Nəticədə, daha çox kontent əldə edilir və diqqətiniz görüntüdən yayılmır.

Məhsuldarlıq və Avtonomluq

Apple A15 Bionic çipi qrafik prosessorunun işini 50% daha sürətli edib. Ən çətin proseslər yerinə yetirilərkən batareyanın enerjisi effektiv sərf edilir. Bundan başqa yeni çip kamera sisteminin imkanlarını genişləndirib. Əlavə olaraq, FaceID sisteminin işi təkmilləşdirilib.

iPhone 13 Pro ilə daha çox iş yerinə yetirəcəksiniz. Funksionallığı ilə yanaşı smartfon tutumlu batareya ilə təchiz edilib. Günün sonunadək cihazı şarj etməyə ehtiyac qalmayacaq. Yeni iPhone modelinin daxili yaddaşı artırılıb və 1 TB təşkil edir. Əməliyyat sistemi yeni iOS 15-dir. Bu sistemə daha çox ünsiyyət, GPS, süni intellektə aid funksiyalar əlavə edilib. SharePlay funksiyası ilə dostlarınızla FaceTime vasitəsilə söhbət edərkən video izləyə, musiqi dinləyə, ekran görüntünüzü bölüşə bilərsiniz. Mikrofona əlavə edilən rejimlər sayəsində ətrafınız səs-küylü olsa belə səsiniz aydın ötürüləcək.

Kameralar

iPhone 13 Pro peşəkar keyfiyyətli kameralarla təchiz edilib. Arxa paneldə 77 mm telefoto, ultra geniş və geniş bucaqlı kameralar, Lidar skaneri və fləş yerləşdirilib. Ön paneldə FaceID sisteminin işini təmin edən və mükəmməl selfilər yarada bilən TrueDepth kamerası mövcuddur. Zəif işıq şəraitində çəkiliş aparmaq lazım olduğu halda Deep Fusion texnologiyası köməyinizə çatacaq. Neural Engine sistemi ilə birlikdə Deep Fusion müxtəlif ekspozisiyalarda çəkilən şəklin hər bir pikselini analiz edir. Daha sonra qüsursuz alınan hissələr bir kadra cəmlənir. Nəticədə, ən xırda detalların belə əks edildiyi şəkil əldə edəcəksiniz.

"Smart HDR 4" rejimi kadrı hissələrə bölüb hər birini individual olaraq optimallaşdırır. Bu texnologiya daha çox qrup şəklində olan şəkillər üçün istifadə edilir. Neural Engine maşın öyrənməsi sisteminin köməkliyi ilə kadra düşən hər bir nəfər üçün parlaqlıq, kontrast və dəri tonu ayrı tənzimlənir. 

Video çəkiliş prosesini yeni səviyyəyə qaldıran texnologiya "Kinoeffekt" rejimidir. Bu rejim vasitəsilə filmlərin yaradılmasında istifadə edilən effektləri videolarınıza tətbiq edə biləcəksiniz. Çəkiliş zamanı və ya çəkilişdən sonra arxa fona bulanıq effekti tətbiq edib obyekti ön plana çıxartmaq mümkündür. Kadra yeni obyekt düşən kimi fokus avtomatik yeni obyektə yönləndirilir.