iPhone 13 Pro Kontakt Home onlayn mağazasında Silver rəngində təqdim edilib. Smartfon Apple A15 Bionic çipi üzərində işləyir. Daxili yaddaş 128 GB-dır.

Ən güclü iPhone modeli hesab edilən iPhone 13 Pro məhsuldarlığı, peşəkar kameraları, möhkəm və parlaq ekranı və inanılmaz sürəti ilə seçilir.

Görünüş və Ekran

Yeni iPhone Silver rəngində təqdim edilib. Arxa panel möhkəm şüşə ilə örtülüb. Ön hissədə böyük 6.1” düymlü OLED ekran yerləşir. Yan çərcivə parlaq poladdan hazırlanıb. Super Retina displeyin zərbələrə davamlılığı 4 qat artırılıb. Ceramic Shield örtüyü sayəsində smartfonu üzü üstə yerə salmaqdan qorxmayacaqsınız. Zərbələrlə yanaşı mükəmməl korpus yağışdan da qorxmur. IP68 qorunma dərəcəsi sayəsində cihazın gövdəsi suya və toza davamlıdır.

Daha çox kontent izləyə bilməyiniz üçün displeyin üst hissəsində olan “bangs”-in ölçüləri daha yığcam olub. Smartfon FaceID funksiyasını dəstəkləyir. TrueDepth kamerası həm sizi keyfiyyətli selfilərlə təmin edir, həm də ekranı sürətli və etibarlı şəkildə blokdan çıxarır.

Məhsuldarlıq və Avtonomluq

Apple brendinin istehsal etdiyi ən yeni çip smartfonun bütün sistem proseslərini idarə edir. Nəticədə, qrafikanın emalı 50% sürətlənib. Prosessor kamera sisteminin imkanlarını genişləndirib. Parlaq displey isə enerjini səmərəli sərf edir. iOS 15 əməliyyat sistemi ilə interfeysin sadəliyi saxlanılıb. Bundan başqa smartfona yeni funksiyalar əlavə edilib. GPS sistemi və xəritələr daha da təkmilləşdirilib. Yüksək detallıq və 3D görüntü sayəsində lazım olan yerə asanlıqla çata biləcəksiniz. Safari-nin imkanları da genişləndirilib. Açılan səhifələri asanlıqla saxlamaq, qrup şəklində yerləşdirmək və aralarında sürətli keçid etmək olar. Bundan başqa Safari-yə səsli axtarış əlavə edilib.

Batareyanın həcmi 3125 mAh qədər artırılıb. Daha öncəki Pro modellərlə müqayisədə iPhone 13 Pro 2.5 saat daha çox işləyir. Batareyanın həcmi ilə yanaşı yeni ProMotion texnologiyası enerjinin qənaətli istifadəsini təmin edir. Artıq məqalə oxuduğunuz, mesaj göndərdiyiniz zaman smartfon ekran tezliyini 10 Hz qədər salıb enerjini səmərəli sərf edəcək. HD keyfiyyətində video izləməyə başlayan kimi tezlik avtomatik 120 Hz qaldırılır və görüntü parlaq, detallı təsvir edilir.

Kameralar Bloku

İstənilən vəziyyətdə ideal kadr yarada bilməyiniz üçün iPhone 13 Pro kameralarının ölçüləri böyüdülüb. Beləliklə, kameralar daha çox işıq və detallar tuta bilir. Optik stabilləşmə və hərəkət edən matrislə gəzinti zamanı oynayan uşaqları çəksəniz belə görüntü stabil və detallı olacaq. Artıq əlavə tətbiqlər yükləyib şəkillərinizi saatlarla redaktə etməyə ehtiyac qalmayacaq. Kameralar bütün işi sizin əvəzinizə görəcək.

Peşəkar keyfiyyətli videolar üçün smartfona “Kinoeffekt” rejimi əlavə edilib. Artıq iPhone vasitəsilə çəkilən videolara Boke effektini tətbiq etmək mümkündür. Obyekt hərəkət etsə belə çəkilişə davam edə bilərsiniz. A15 çipinin alqoritmləri hər bir kadrı çəkiliş zamanı emal edir. Peşəkar videolarınızla yaxınlarınızı təəccübləndirəcəksiniz.

Daha bir yenilik - “Photographyc styles” şablonları. Şablonlar vasitəsilə şəkillərinizə seçdiyiniz ton və rənglərin kontrastını seçə biləcəksiniz. Şablonları sizə uyğun olaraq tənzimləyib çəkilişə başlamaq olar. Bundan başqa, iPhone 13 Pro modelində ilk dəfə olaraq videonu çəkmək və daha sonra ProRes formatında və ya Dolby Vision standartında redaktə etmək mümkündür.